ನಿರ್ದೇಶಕ ಡಿ. ಸತ್ಯಪ್ರಕಾಶ್ ಅವರ ಮೊದಲ ಚಿತ್ರ ರಾಮಾ ರಾಮಾ ರೇ ಆಗಿದ್ದು, ಹಿಂದಿಗೂ ಡಬ್ ಆಗುತ್ತಿದೆ. ಭಾಷಾಂತರದ ಕೆಲಸ ಮುಕ್ತಾಯಗೊಂಡ ನಂತರ ಮುಂಬೈ, ದೆಹಲಿ, ಆಂಧ್ರಪ್ರದೇಶ, ತಮಿಳುನಾಡು ಸೇರಿದಂತೆ ದೇಶದ ವಿವಿಧ ಭಾಗಗಳಲ್ಲಿ ಕನ್ನಡ ಹಿಂದಿ ಎರಡೂ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ನಿರ್ದೇಶಕ ಸತ್ಯಪ್ರಕಾಶ್ ತಿಳಿಸಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಸಿದ್ಧಸೂತ್ರಗಳಿಗೆ ಸೆಡ್ಡು ಹೊಡೆದು ತಯಾರಾಗಿದ್ದ ರಾಮಾ ರಾಮಾ ರೇ ಚಿತ್ರ 2016 ರ ಅತ್ಯುತ್ತಮ ಸದಭಿರುಚಿಯ ಚಿತ್ರಗಳ ಸಾಲಿನಲ್ಲಿ ಸ್ಥಾನ ಪಡೆದಿತ್ತು.