1000 ಕೋಟಿ ಕ್ಲಬ್ ಸೇರಿದ ಬಾಹುಬಲಿ 2: ರಾಜಮೌಳಿಗೆ ಪವನ್ ಕಲ್ಯಾಣ್, ಮಹೇಶ್ ಬಾಬು ಅಭಿನಂದನೆ

ಭಾರತೀಯ ಚಿತ್ರರಂಗದ ದಿಕ್ಕು ದೆಸೆಯನ್ನೇ ಬದಲಾಯಿಸಿದ ಬಾಹುಬಲಿ 2 ಚಿತ್ರ 1000 ಕೋಟಿ ಗಳಿಸಿದ ಮೊದಲ ಭಾರತೀಯ ಚಿತ್ರ ಎಂಬ ಖ್ಯಾತಿಗೆ ಪಾತ್ರವಾಗಿದೆ...

ಬಾಹುಬಲಿ

Updated on:

08 May 2017, 12:09 am

ಭಾರತೀಯ ಚಿತ್ರರಂಗದ ದಿಕ್ಕು ದೆಸೆಯನ್ನೇ ಬದಲಾಯಿಸಿದ ಬಾಹುಬಲಿ 2 ಚಿತ್ರ 1000 ಕೋಟಿ ಗಳಿಸಿದ ಮೊದಲ ಭಾರತೀಯ ಚಿತ್ರ ಎಂಬ ಖ್ಯಾತಿಗೆ ಪಾತ್ರವಾಗಿದ್ದು ಅಭಿನಂದನೆಗಳ ಮಹಾಪೂರವೇ ಅರಿದು ಬರುತ್ತಿದೆ.

ಚಿತ್ರದ ಅಮೋಘ ಯಶಸ್ಸು ಕುರಿತಂತೆ ಚಿತ್ರರಂಗದ ಗಣ್ಯರು ನಿರ್ದೇಶಕ ಎಸ್ಎಸ್ ರಾಜಮೌಳಿಗೆ ಪ್ರಶಂಸೆಯ ಸುರಿಮಳೆಯನ್ನೇ ಸುರಿಸಿದ್ದಾರೆ. ತೆಲುಗಿನ ಖ್ಯಾತ ನಟರಾದ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಮತ್ತು ಮಹೇಶ್ ಬಾಬು ತಮ್ಮ ಟ್ವೀಟರ್ ನಲ್ಲಿ ರಾಜಮೌಳಿ ಮತ್ತು ಪ್ರಭಾಸ್ ರನ್ನು ಅಭಿನಂದಿಸಿದ್ದಾರೆ.

ಪವನ್ ಕಲ್ಯಾಣ್ ತಮ್ಮ ಟ್ವೀಟರ್ ನಲ್ಲಿ ರಾಜಮೌಳಿ, ಪ್ರಭಾಸ್ ಮತ್ತು ಚಿತ್ರತಂಡಕ್ಕೆ ಹೃದಯಪೂರ್ವಕ ಅಭಿನಂದನೆ ತಿಳಿಸಿದ್ದಾರೆ. ಇನ್ನು ಮಹೇಶ್ ಬಾಬು 1000 ಕೋಟಿ ಗಳಿಕೆ ಮಾಡಲು ಶ್ರಮಿಸಿದ ರಾಜಮೌಳಿ ಮತ್ತು ತಂಡಕ್ಕೆ ಅಭಿನಂದನೆ ತಿಳಿಸಿದ್ದು ತೆಲುಗು ಚಿತ್ರವೊಂದು ಸಾವಿರ ಕೋಟಿ ಗಳಿಸಿದ ಕೀರ್ತಿ ತಂದುಕೊಟ್ಟ ನಿಮ್ಮೆಲ್ಲರಿಗೂ ಧನ್ಯವಾದ ಎಂದು ಟ್ವೀಟಿಸಿದ್ದಾರೆ.

ಕಳೆದ ಏಪ್ರಿಲ್ 28ರಂದು ವಿಶ್ವದಾದ್ಯಂತ 9 ಸಾವಿರ ಸ್ಕ್ರೀನ್ ಗಳಲ್ಲಿ ಬಿಡುಗಡೆಯಾಗಿದ್ದ ಬಾಹುಬಲಿ 2 ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಕೊಳ್ಳೆ ಹೊಡೆಯುತ್ತಿದೆ. ಇನ್ನು ಬಿಡುಗಡೆಯಾದ 9ನೇ ದಿನಕ್ಕೆ 1000 ಕೋಟಿ ಕ್ಲಬ್ ಸೇರುವ ಮೂಲಕ ಭಾರತದ ಮೊದಲ ಚಿತ್ರ ಎಂಬ ಖ್ಯಾತಿಗೆ ಭಾಜನವಾಗಿದೆ.

My Heartfelt congratulations to Shri Rajmouli,Shri Prabhas &team for their stupendous success of. Bahubali and achieving the 1000 crore mark
— Pawan Kalyan (@PawanKalyan) May 7, 2017

The unthinkable has happened! 1000 crores & counting! Thankyou @ssrajamouli & team for making me & the entire Telugu film fraternity proud:)
— Mahesh Babu (@urstrulyMahesh) May 7, 2017