ಬೆಂಗಳೂರು: ಚೇತನ್ ಕುಮಾರ್ ನಿರ್ದೇಶಿಸಲಿರುವ ನಿಖಿಲ್ ಕುಮಾರ್ ಅವರ ಎರಡನೇ ಸಿನೆಮಾದ ಚಿತ್ರೀಕರಣ ಜೂನ್ ೫ ಕ್ಕೆ ಪ್ರಾರಂಭವಾಗಲಿದೆ. ಚಿತ್ರೀಕರಣಕ್ಕಾಗಿ ತಾಣಗಳ ಹುಡುಕಾಟದಲ್ಲಿರುವ ತಂಡ ದುಬೈ, ಹಾಂಗ್ಕಾಂಗ್ ಮತ್ತು ಬ್ಯಾಂಗ್ಕಾಕ್ ಗೆ ತ್ವರಿತ ಭೇಟಿ ನೀಡಿ ಅಲ್ಲಿ ಸಿನಿಮಾಗಾಗಿ ವಸ್ತ್ರಗಳ ಖರೀದಿ ನಡೆಸಿದೆಯಂತೆ.
ದೊಡ್ಡ ದೊಡ್ಡ ನಟರ ತಾರಾದಂಡೆ ನೆರೆಯಲಿದೆ ಎನ್ನಲಾಗಿರುವ ಈ ಸಿನೆಮಾಗೆ ಈಗ ಸುಧಾರಾಣಿ ಮತ್ತು ಸಾಯಿಕುಮಾರ್ ಹೊಸ ಸೇರ್ಪಡೆ. ಇನ್ನು ಹೆಸರಿಡದ ಈ ಚಿತ್ರದ ವಿವರಗಳನ್ನು ಚಿತ್ರತಂಡ ತಿಳಿಸಿಲ್ಲವಾದರೂ, ಇವರಿಬ್ಬರಿಗೂ ಪ್ರಮುಖ ಪಾತ್ರ ಇರಲಿದೆ ಎನ್ನಲಾಗಿದೆ.
ಈ ಸಿನೆಮಾದ ಮೂಲಕ ನಿಖಿಲ್ ಎದುರು ನಟಿಸಲಿರುವ ರಿಯಾ ನಾಲ್ವಡೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಸಾಧುಕೋಕಿಲ ಕೂಡ ಸಿನೆಮಾದಲ್ಲಿ ನಟಿಸುತ್ತಿದ್ದು, ಉಳಿದ ನಟರನ್ನು ಅಂತಿಮಗೊಳಿಸುವ ಪ್ರಕ್ರಿಯೆಯಲ್ಲಿದೆ ಚಿತ್ರತಂಡ. ವಿ ಹರಿಕೃಷ್ಣ ಸಂಗೀತ ನೀಡಲಿದ್ದು, ಶ್ರೀಶ ಕುಡುವಲ್ಲಿ ಸಿನೆಮ್ಯಾಟೋಗ್ರಾಫರ್.
