ಬೆಂಗಳೂರು: ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ಬಹುನಿರೀಕ್ಷಿತ ಚಿತ್ರ "ನಟಸಾರ್ವಭೌಮ"ದ ಮೊದಲ ಟೀಸರ್ ಬಿಡುಗಡೆಯಾಗಿದೆ. ಗುರುವಾರ (ಡಿಸೆಂಬರ್ 20) ಟೀಸರ್ ಬಿಡುಗಡೆಯಾಗಿದ್ದು ಮೂರು ಗಂಟೆಗಗಳಲ್ಲಿ ಎರಡು ಲಕ್ಷ ಮಂದಿ ಯೂಟ್ಯೂಬ್ ಮೂಲಕ ಟೀಸರ್ ವೀಕ್ಷಿಸಿದ್ದಾರೆ.
ಪುನೀತ್ ಚಿತ್ರವೆಂದಮೇಲೆ ಸಾಹಸ, ನೃತ್ಯ, ಸೆಂಟಿಮೆಂಟ್ ದೃಶ್ಯಗಳಿಗೆ ಕೊರತೆ ಇರುವುದಿಲ್ಲ. ಹಾಗೆಯೇ "ನಟಸಾರ್ವಭೌಮ" ಚಿತ್ರವೂ ಅದಕ್ಕೆ ಹೊರತಾಗಿಲ್ಲ. ಟೀಸರ್ ನಲ್ಲಿ ಪುನೀತ್ ಅವರ ಆಕ್ಷನ್ ಹಾಗೂ ಡ್ಯಾನ್ಸ್ ನ ದೃಶ್ಯಗಳಿದೆ.
ರಚಿತಾ ರಾಮ್ ಹಾಗೂ ಅನುಪಮ ಪರಮೇಶ್ವರ್ ನಾಯಕಿಯರಾಗಿರುವ ಈ ಚಿತ್ರ ಪವನ್ ವಡೆಯರ್ ನಿರ್ದೇಶನದಲ್ಲಿ ಮೂಡಿಬರುತ್ತಿದೆ. ರಾಕ್ಲೈನ್ ವೆಂಕಟೇಶ್ ನಿರ್ಮಾಣದ ಚಿತ್ರ ಇದಾಗಿದ್ದು ಪುನೀತ್ "ರಾಜಕುಮಾರ" ಬಳಿಕ ಅತಿ ಹೆಚು ನಿರೀಕ್ಷೆ ಮೂಡಿಸಿದ ಸಿನಿಮಾ ಸಹ ಹೌದು.