ಆಗಂತುಕ ಚಿತ್ರಕ್ಕಾಗಿ ಲಾಠಿ ಹಿಡಿದ ಮೈತ್ರೇಯಿ ಗೌಡ

ಕನ್ನಡದ ನಟಿ ಮೈತ್ರೇಯಿ ಗೌಡ ಅವರು ಮತ್ತೆ ಬೆಳ್ಳಿ ಪರದೆ ಮೇಲೆ ಮಿಂಚಲು ರೆಡಿಯಾಗಿದ್ದು, ಆಗಂತುಕ ಚಿತ್ರದಲ್ಲಿ ಮೈತ್ರೇಯಿ ಗೌಡ ಇನ್ಸ್ ಪೆಕ್ಟರ್ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 

ರಜತ್ ರಘುನಾಥ್ ನಿರ್ಮಿಸಿ, ನಿರ್ದೇಶಿಸುತ್ತಿರುವ ಆಗಂತುಕ ಚಿತ್ರದಲ್ಲಿ ಮೈತ್ರೇಯಿ ಗೌಡ ಖಡಕ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 

ಮೈತ್ರೇಯಿ ಗೌಡ ಅವರು ಎರಡು ವರ್ಷಗಳ ನಂತರ ಇದೀಗ ಚಿತ್ರವೊಂದರಲ್ಲಿ ನಟಿಸುತ್ತಿದ್ದಾರೆ. ಇನ್ನು ಈ ಚಿತ್ರದಲ್ಲಿ ಮೈತ್ರೇಯಿ ಹಾಡೊಂದನ್ನು ಸಹ ಆಡಲಿದ್ದಾರೆ. 

ಆಗಂತುಕ ಚಿತ್ರ ತಂಡ ಚಿತ್ರದ ಚಿತ್ರೀಕರಣವನ್ನು ಅರಣ್ಯ ಪ್ರದೇಶದಲ್ಲಿ ಚಿತ್ರೀಕರಿಸಲು ತೀರ್ಮಾನಿಸಿದೆ. ಇದಕ್ಕಾಗಿ ಚಿಕ್ಕಮಗಳೂರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ಚಿತ್ರೀಕರಣ ಪ್ರಾರಂಭವಾದ ನಂತರ ಚಿತ್ರದ ಕುರಿತಂತೆ ಹೆಚ್ಚಿನ ಮಾಹಿತಿ ಸಿಗಲಿದೆ.