ಕನ್ನಡಿಗರಾಗಿದ್ದು ಕನ್ನಡದಲ್ಲೇ ತಮ್ಮ ಬದುಕನ್ನು ಕಟ್ಟಿಕೊಂಡು ಪರಭಾಷೆಗೆ ಹೋದ ತಕ್ಷಣ ಕನ್ನಡವನ್ನು ತೆಗಳುವ ಸಂಸ್ಕೃತಿ ಹೆಚ್ಚಾಗಿದೆ. ಆದರೆ ಬಾಲಿವುಡ್ ನಟಿ ಅನುಷ್ಕಾ ವಿರಾಟ್ ಕೊಹ್ಲಿ ಮಾತ್ರ ಕನ್ನಡದಲ್ಲಿ ಮಾತನಾಡಿದ್ದು ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ಸಾಮಾಜಿಕ ಜಾಲತಾಣದಲ್ಲಿ ಋಣಾತ್ಮಕ ಅಂಶವೇ ತುಂಬಿರುವ ಈ ಕಾಲದಲ್ಲಿ ಅನುಷ್ಕಾ ಶರ್ಮಾ ಧನಾತ್ಮಕ ಹರಡುವ ಕೆಲಸದಲ್ಲಿ ತೊಡಗಿದ್ದಾರೆ. ಈ ಸಂಬಂಧ ತಮ್ಮ ಟ್ವೀಟರ್ ಖಾತೆಯಲ್ಲಿನ ಟ್ವೀಟ್ ಗಳನ್ನು ಓದಿದ್ದಾರೆ.
ಹಲವು ಟ್ವೀಟ್ ಗಳನ್ನು ಓದಿದ ಬಳಿಕ ಅನುಷ್ಕಾ ಶರ್ಮಾ ಕೊನೆಯಲ್ಲಿ ದಟ್ಸ್ ಇಟ್ ಎಂದು ಹೇಳುವ ಬದಲು ಅಷ್ಟೇ(#Ashet) ಎಂದು ಅಚ್ಚ ಕನ್ನಡದಲ್ಲಿ ಹೇಳಿದ್ದಾರೆ. ಈ ವಿಡಿಯೋ ಸದ್ಯ ವೈರಲ್ ಆಗಿದೆ.
ಇನ್ನು ವಿಡಿಯೋ ನೋಡಿದ ಕನ್ನಡಿಗರು ವಿಡಿಯೋವನ್ನು ಶೇರ್ ಮಾಡುವುದರ ಜೊತೆಗೆ ಟ್ವೀಟ್ ಮಾಡಿ ಧನ್ಯವಾದ ಹೇಳುತ್ತಿದ್ದಾರೆ.
