ಮಾರ್ಚ್ 31ಕ್ಕೆ ಮುಂದಿನ ಚಿತ್ರದ ಘೋಷಣೆ, ರಕ್ಷಿತಾ ಸೋದರನೇ ನಾಯಕ: ನಿರ್ದೇಶಕ ಪ್ರೇಮ್

ಬೆಂಗಳೂರು: ಕಿಚ್ಚ ಸುದೀಪ್, ಶಿವರಾಜ್ ಕುಮಾರ್ ಜೋಡಿಯನ್ನು "ದಿ ವಿಲನ್" ಎಂಬ ಒಂದೇ ಚಿತ್ರದಲ್ಲಿ ತೆರೆ ಮೇಲೆ ತಂದು ಭರ್ಜರಿ ಹೆಸರುಗಳಿಸಿದ್ದ ನಿರ್ದೇಶಕ ಪ್ರೇಮ್ ಈಗ ಮುಂದಿನ ಚಿತ್ರದ ತಯಾರಿಯಲ್ಲಿದ್ದಾರೆ. ಈ ಬಾರಿ ಅವರು ತಮ್ಮ ಪತ್ನಿ, ನಟಿ ರಕ್ಷಿತಾ ಸೋದರ  ಅಭಿಷೇಕ್ ರಾವ್ ಅವರನ್ನು ಸ್ಯಾಂಡಲ್ ವುಡ್ ಗೆ ಪರಿಚಯಿಸಲು ಮುಂದಾಗಿದ್ದಾರೆ.

ಸೋಮವಾರ, ಮಹಾಶಿವರಾತ್ರಿ ದಿನ ಶುಬಾಶಯ ಹೇಳುವ ನೆಪದಲ್ಲಿ ಟ್ವಿಟ್ಟರ್ ನಲ್ಲಿ ತಮ್ಮ ಮುಂದಿನ ಚಿತ್ರದ ಕುರಿತ ಮಾಹಿತಿಯನ್ನು ಪ್ರೇಮ್ ಬಹಿರಂಗಪಡಿಸಿದ್ದಾರೆ. 

"ನಮಸ್ಕಾರ...

"ಇದೇ ತಿಂಗಳ‌ 31ರಂದು,‌ರಕ್ಷಿತಾ ಹುಟ್ಟುಹಬ್ಬದ ದಿನ ನಮ್ಮ ಮನೆಯ ಮತ್ತೊಂದು ‌ಪ್ರತಿಭೆಯನ್ನ ಕನ್ನಡ ಕಲಾಭಿಮಾನಿಗಳಿಗೆ  ಪರಿಚಯಿಸುತ್ತಿದ್ದೇವೆ. ನಮ್ಮಿಬ್ಬರನ್ನು ಹರಸಿದಂತೆ ನಮ್ಮನೆಯ ಈ ಕುಡಿಯನ್ನು ನಿಮ್ಮ ಮಡಿಲಲ್ಲಿಟ್ಟಿಕೊಂಡು ಹರಸಿ, ಆಶೀರ್ವಾದಿಸುತ್ತೀರಿ‌ ಅನ್ನೋ‌ ನಿರೀಕ್ಷೆಯಲ್ಲಿ... " ಪ್ರೇಮ್ ಬರೆದುಕೊಂಡಿದ್ದಾರೆ.