ಧೀರನ್ ರಾಜಕುಮಾರ್ ಚೊಚ್ಚಲ ಚಿತ್ರ 'ದಾರಿ ತಪ್ಪಿದ ಮಗ' ಶೀರ್ಷಿಕೆ ಬದಲಾವಣೆ!

ಬೆಂಗಳೂರು: ಡಾ. ರಾಜಕುಮಾರ್ ಕುಟುಂಬದ ಕುಡಿ ಧೀರನ್ ರಾಜಕುಮಾರ್ ಸ್ಯಾಂಡಲ್ವುಡ್ ಗೆ ಪಾದಾರ್ಪಣೆ ಮಾಡುತ್ತಿದ್ದಾರೆ. ಚೊಚ್ಚಲ ಚಿತ್ರ ದಾರಿ ತಪ್ಪಿದ ಮಗ ಶೀರ್ಷಿಕೆ ಬದಲಾವಣೆ ಮಾಡುವ ಸಾಧ್ಯತೆ ಇದೆ.

ನಿರ್ದೇಶಕ ಅನಿಲ್ ಕುಮಾರ್ ಅವರು ಚಿತ್ರವನ್ನು ನಿರ್ದೇಶಿಸಿದ್ದು ನಟಸಾರ್ವಭೌಮ ಡಾ. ರಾಜಕುಮಾರ್ ಅವರ ನಟನೆಯ ಸೂಪರ್ ಹಿಟ್ ಚಿತ್ರ ದಾರಿ ತಪ್ಪಿದ ಮಗ ಚಿತ್ರದ ಶೀರ್ಷಿಕೆಯನ್ನು ಧೀರನ್ ರಾಜಕುಮಾರ್ ಅವರ ಚೊಚ್ಚಲ ಚಿತ್ರಕ್ಕೆ ಇಡಲಾಗಿತ್ತು. 

ಆದರೆ ಇದೀಗ ನಿರ್ದೇಶಕರು ಚಿತ್ರದ ಕಥಾವಸ್ತುವಿಗೆ ಸೂಕ್ತವಾದ ಶೀರ್ಷಿಕೆ ಇಡಲು ತೀರ್ಮಾನಿಸಿದ್ದಾರೆ. ದಾರಿ ತಪ್ಪಿದ ಮಗ ಶೀರ್ಷಿಕೆ ಚಿತ್ರಕಥೆಗೆ ಹೊಂದಾಣಿಕೆಯಾಗುತ್ತಿಲ್ಲ. ಇನ್ನು ಶೀರ್ಷಿಕೆ ಪ್ರೇಕ್ಷಕರ ದಾರಿ ತಪ್ಪಿಸುವಂತಿದೆ ಎಂದು ನಿರ್ದೇಶಕರು ಈ ತೀರ್ಮಾನಕ್ಕೆ ಬಂದಿದ್ದಾರೆ.

ಸದ್ಯ ಚಿತ್ರದ ಪೋಸ್ಟ್ ಪ್ರೊಡೆಕ್ಷನ್ ಕೆಲಸಗಳು ನಡೆಯುತ್ತಿದ್ದು ಅಕ್ಟೋಬರ್ ಮೊದಲ ವಾರದಲ್ಲಿ ವಿಶೇಷ ಹಾಡಿನ ಚಿತ್ರೀಕರಣ ನಡೆಯಲಿದೆ. ನಂತರ ನವೆಂಬರ್ ನಲ್ಲಿ ಚಿತ್ರ ತೆರೆ ಕಾಣುವ ಸಾಧ್ಯತೆ ಇದೆ. ಧೀರನ್ ಗೆ ಜೋಡಿಯಾಗಿ ನಟಿ ಮಾನ್ವಿತ ಕಾಮತ್ ನಟಿಸುತ್ತಿದ್ದಾರೆ.