social_icon

ಐಎಂಡಿಬಿ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿ; ಧನುಷ್‌ ಮೊದಲು, ಅಲ್ಲು ಅರ್ಜುನ್-ಯಶ್‌ಗೆ ಕೊನೆಯ ಎರಡು ಸ್ಥಾನ

ಇತ್ತೀಚೆಗೆ ತಮಿಳು ಚಲನಚಿತ್ರ 'ನಾನೇ ವರುವೆನ್' ನಲ್ಲಿ ಕಾಣಿಸಿಕೊಂಡಿದ್ದ ನಟ ಧನುಷ್, 'ದಿ ಗ್ರೇ ಮ್ಯಾನ್' ಮೂಲಕ ಜಾಗತಿಕ ತಾರೆಯಾಗಿದ್ದಾರೆ. ಐಎಂಡಿಬಿಯ 2022ರ ಟಾಪ್ 10 ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿದ್ದಾರೆ.

Published: 07th December 2022 03:46 PM  |   Last Updated: 07th December 2022 05:16 PM   |  A+A-


MDb list of Top 10 Most Popular Indian Stars of 2022

ಐಎಂಡಿಬಿ ಟಾಪ್ 10 ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಕಾಣಿಸಿಕೊಂಡ ತಾರೆಯರು

IANS

ಮುಂಬೈ: ಇತ್ತೀಚೆಗೆ ತಮಿಳು ಚಲನಚಿತ್ರ 'ನಾನೇ ವರುವೆನ್' ನಲ್ಲಿ ಕಾಣಿಸಿಕೊಂಡಿದ್ದ ನಟ ಧನುಷ್, 'ದಿ ಗ್ರೇ ಮ್ಯಾನ್' ಮೂಲಕ ಜಾಗತಿಕ ತಾರೆಯಾಗಿದ್ದಾರೆ. ಐಎಂಡಿಬಿಯ 2022ರ ಟಾಪ್ 10 ಅತ್ಯಂತ ಜನಪ್ರಿಯ ಭಾರತೀಯ ತಾರೆಯರ ಪಟ್ಟಿಯಲ್ಲಿ ಅಗ್ರಸ್ಥಾನ ಗಳಿಸಿದ್ದಾರೆ.

ಧನುಷ್ ಈ ವರ್ಷ 'ದಿ ಗ್ರೇ ಮ್ಯಾನ್', 'ಮಾರನ್', 'ತಿರುಚಿತ್ರಾಂಬಲಂ', 'ನಾನೇ ವರುವೆನ್' ಮತ್ತು 'ವಾತಿ' ಸಿನಿಮಾಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಧನುಷ್ ಅವರ ನಂತರ ಪಟ್ಟಿಯಲ್ಲಿ 'ಬ್ರಹ್ಮಾಸ್ತ್ರ'ದ ನಟಿ ಆಲಿಯಾ ಭಟ್ ಅವರು ಸ್ಥಾನಪಡೆದಿದ್ದಾರೆ. ಈ ವರ್ಷ ಅವರು ಪ್ಯಾನ್ ಇಂಡಿಯಾ ಸಿನಿಮಾ 'ಆರ್‌ಆರ್‌ಆರ್', 'ಗಂಗೂಬಾಯಿ ಕಾಥಿಯಾವಾಡಿ' ಮತ್ತು ಸ್ಟ್ರೀಮಿಂಗ್ ಚಲನಚಿತ್ರ 'ಡಾರ್ಲಿಂಗ್ಸ್' (ನಿರ್ಮಾಪಕರಾಗಿ ಅವರ ಚೊಚ್ಚಲ) ನಲ್ಲಿ ನಟಿಸಿದ್ದಾರೆ.

ಈ ವರ್ಷದ ಪಟ್ಟಿಯಲ್ಲಿ ತನ್ನ ಸೇರ್ಪಡೆಯ ಕುರಿತು ಮಾತನಾಡಿದ ನಟಿ ಆಲಿಯಾ, '2022 ನನ್ನೆಲ್ಲ ಚಲನಚಿತ್ರಗಳಲ್ಲಿ ಅತ್ಯಂತ ಸ್ಮರಣೀಯ ವರ್ಷವಾಗಿದೆ. ಈ ವರ್ಷ ನನ್ನ ಎಲ್ಲಾ ಚಿತ್ರಗಳಿಗೆ ಪ್ರೇಕ್ಷಕರು ನೀಡಿದ ಪ್ರೀತಿಗೆ ನಾನು ಶಾಶ್ವತವಾಗಿ ಧನ್ಯವಾದ ಮತ್ತು ಕೃತಜ್ಞನಾಗಿದ್ದೇನೆ. ನಮ್ಮ ದೇಶದ ಅತ್ಯುತ್ತಮ ನಿರ್ದೇಶಕರು ಮತ್ತು ಕಲಾವಿದರೊಂದಿಗೆ ಕೆಲಸ ಮಾಡಿದ್ದೇನೆ. ನಾನು ದೀರ್ಘಕಾಲ ಕ್ಯಾಮೆರಾವನ್ನು ಎದುರಿಸುತ್ತಾ ಪ್ರೇಕ್ಷಕರನ್ನು ರಂಜಿಸುವುದನ್ನು ಮುಂದುವರಿಸಬಹುದು ಎಂದು ನಾನು ಭಾವಿಸುತ್ತೇನೆ! ಪ್ರೀತಿ ಮತ್ತು ಬೆಳಕು' ಎಂದಿದ್ದಾರೆ.

ಇದನ್ನೂ ಓದಿ: ಯುಟ್ಯೂಬ್ ಇಂಡಿಯಾ: 'ಶ್ರೀವಲ್ಲಿ' ಟಾಪ್ ಮ್ಯೂಸಿಕ್ ವಿಡಿಯೋ; ಶಾರ್ಟ್ಸ್ ಬ್ರೇಕ್ ಟಾಪ್ ಕ್ರಿಯೆಟರ್!

ಪಟ್ಟಿಯು 2022ರ ಉದ್ದಕ್ಕೂ ಐಎಂಡಿಬಿಯ ಸಾಪ್ತಾಹಿಕ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಸತತವಾಗಿ ಅತ್ಯುನ್ನತ ಶ್ರೇಣಿಯನ್ನು ಹೊಂದಿರುವ ಸ್ಟಾರ್‌ಗಳನ್ನು ಒಳಗೊಂಡಿದೆ. ಈ ಶ್ರೇಯಾಂಕಗಳು ಐಎಂಡಿಬಿ ವಿಶ್ವದಾದ್ಯಂತ 200 ಮಿಲಿಯನ್‌ಗಿಂತಲೂ ಹೆಚ್ಚು ಮಾಸಿಕ ಸಂದರ್ಶಕರ ನೈಜ ಪುಟ ವೀಕ್ಷಣೆಗಳನ್ನು ಆಧರಿಸಿವೆ.

ಮಣಿರತ್ನಂ ಅವರ 'ಪೊನ್ನಿಯಿನ್ ಸೆಲ್ವನ್: ಭಾಗ I' ಸಿನಿಮಾ ಮೂಲಕ ಐದು ವರ್ಷಗಳ ನಂತರ ಚಿತ್ರರಂಗಕ್ಕೆ ಮರಳಿದ ಐಶ್ವರ್ಯಾ ರೈ ಬಚ್ಚನ್ ಪಟ್ಟಿಯಲ್ಲಿ ಮೂರನೇ ಸ್ಥಾನವನ್ನು ಪಡೆದಿದ್ದಾರೆ. ‘ಆರ್‌ಆರ್‌ಆರ್‌’ನಲ್ಲಿ ಆಲಿಯಾರ ಸಹನಟರಾದ ರಾಮ್ ಚರಣ್ ತೇಜ ಮತ್ತು ಜೂನಿಯರ್ ಎನ್.ಟಿ. ರಾಮರಾವ್ ಕ್ರಮವಾಗಿ 4 ಮತ್ತು 8ನೇ ಸ್ಥಾನ ಪಡೆದಿದ್ದಾರೆ.

ಯಶೋದಾ' ನಟಿ ಸಮಂತಾ ರುತ್ ಪ್ರಭು 5 ನೇ ಸ್ಥಾನದಲ್ಲಿದ್ದರೆ, ಹೃತಿಕ್ ರೋಷನ್ 6 ನೇ ಸ್ಥಾನದಲ್ಲಿದ್ದಾರೆ. 2022 ರಲ್ಲಿ 'ಜಗ್‌ಜಗ್ ಜೀಯೋ' ಮತ್ತು 'ಭೂಲ್ ಭುಲೈಯಾ 2' ಮೂಲಕ ಪ್ರೇಕ್ಷಕರನ್ನು ರಂಜಿಸಿದ ನಟಿ ಕಿಯಾರಾ ಅಡ್ವಾಣಿ ಪಟ್ಟಿಯಲ್ಲಿ ಏಳನೇ ಸ್ಥಾನವನ್ನು ಪಡೆದಿದ್ದಾರೆ. 'ಪುಷ್ಪ: ದಿ ರೈಸ್' ಸ್ಟಾರ್ ಅಲ್ಲು ಅರ್ಜುನ್ 9ನೇ ಸ್ಥಾನ ಪಡೆದಿದ್ದು, ನಂತರದ ಸ್ಥಾನದಲ್ಲಿರುವ 'ಕೆ.ಜಿ.ಎಫ್.' ಸ್ಟಾರ್ ಯಶ್ 10ನೇ ಸ್ಥಾನದಲ್ಲಿದ್ದಾರೆ.


Stay up to date on all the latest ಸಿನಿಮಾ ಸುದ್ದಿ news
Poll
Nirmala Sitharaman

2023-24ರ ಕೇಂದ್ರ ಬಜೆಟ್‌ ನಿಮಗೆ ಸಂತೋಷ ತಂದಿದೆಯೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp