ವಿಜಯ ರಾಘವೇಂದ್ರ, ಭಾವನಾ ರಾವ್, ಶ್ರುತಿ ಪ್ರಕಾಶ್ ಅಭಿನಯದ ಗ್ರೇ ಗೇಮ್ಸ್ ಟೀಸರ್ ಬಿಡುಗಡೆ

ಗ್ರೇ ಗೇಮ್ಸ್ ಒಂದು ರೋಮಾಂಚಕ ಫ್ಯಾಮಿಲಿ ಎಂಟರ್‌ಟೈನರ್ ಆಗಿದ್ದು, ಶುಕ್ರವಾರ ಬಿಡುಗಡೆಯಾದ ಚಿತ್ರದ ಟೀಸರ್ ಆನ್‌ಲೈನ್ ಗೇಮಿಂಗ್‌ನಲ್ಲಿನ ಅಪರಾಧಗಳ ವಿಷಯಗಳ ಬಗ್ಗೆ ಬೆಳಕು ಚೆಲ್ಲುತ್ತದೆ.

ವಿಜಯ್ ರಾಘವೇಂದ್ರ, ಭಾವನಾ ರಾವ್, ಶ್ರುತಿ ಪ್ರಕಾಶ್ ಮತ್ತು ಹೊಸಬರಾದ ಜೈ ತಾರಾಗಣದಲ್ಲಿರುವ ಈ ಚಿತ್ರವು ತಂತ್ರಜ್ಞಾನದ ಯುಗದಲ್ಲಿ ನಮ್ಮ ಮೇಲಿರುವ ಮಾನಸಿಕ ಒತ್ತಡದ ಸುತ್ತ ಸುತ್ತುತ್ತದೆ. ರಾಜ್ಯ ಪ್ರಶಸ್ತಿ ಪುರಸ್ಕೃತ ನಿರ್ದೇಶಕ ಗಂಗಾಧರ ಸಾಲಿಮಠ ಬರೆದು ನಿರ್ದೇಶಿಸಿರುವ ಗ್ರೇ ಗೇಮ್ಸ್ ಚಿತ್ರಕ್ಕೆ ವರುಣ ಡಿಕೆ ಅವರ ಛಾಯಾಗ್ರಹಣವಿದೆ.

ಗ್ರೇ ಗೇಮ್ಸ್ ಮೂರು ಹಾಡುಗಳನ್ನು ಹೊಂದಿದೆ ಮತ್ತು ಸಾಕಷ್ಟು ಭಾವನಾತ್ಮಕ ತಿರುವುಗಳೊಂದಿಗೆ ವಿಶಿಷ್ಟವಾದ ಕಥಾವಸ್ತುವನ್ನು ಹೊಂದಿದೆ. ನೈಜ ಮತ್ತು ವರ್ಚುವಲ್ ಪ್ರಪಂಚವನ್ನು ಆಧರಿಸಿದ ಕಥೆಯೊಂದಿಗೆ, ಗ್ರೇ ಗೇಮ್ಸ್ ಬಹಳಷ್ಟು ನುರಿತ ಕಲಾವಿದರನ್ನು ಹೊಂದಿದೆ ಮತ್ತು ಪ್ರೇಕ್ಷಕರನ್ನು ರಂಜಿಸುತ್ತದೆ ಮತ್ತು ಅವರ ವಾಸ್ತವತೆಯ ಗ್ರಹಿಕೆಗೆ ಸವಾಲು ಹಾಕುತ್ತದೆ ಎಂದು ಗಂಗಾಧರ್ ಹೇಳುತ್ತಾರೆ. 

ಕೆಲವು ಹೂಡಿಕೆದಾರರೊಂದಿಗೆ ಆನಂದ್ ಎಚ್ ನಿರ್ಮಿಸಿದ ಗ್ರೇ ಗೇಮ್ಸ್ ಚಿತ್ರದಲ್ಲಿ ಅಪರ್ಣಾ ಮತ್ತು ರವಿ ಭಟ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.