ನಟ ಕಿರಣ್ ರಾಜ್ ನಟನೆಯ 'ಭರ್ಜರಿ ಗಂಡು' ಸಿನಿಮಾ ಬಿಡುಗಡೆ ದಿನಾಂಕ ಘೋಷಣೆ

ಕಿರುತೆರೆಯಿಂದ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿರುವ ನಟ ಕಿರಣ್ ರಾಜ್ ಇದೀಗ ಹಲವಾರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಕಿರಣ್ ರಾಜ್ ಅವರ ಮುಂಬರುವ ಚಿತ್ರ 'ಭರ್ಜರಿ ಗಂಡು' ಏಪ್ರಿಲ್ 5ರಂದು ಬಿಡುಗಡೆಗೆ ಸಿದ್ಧವಾಗಿದೆ. ರತ್ನಮಂಜರಿ ನಿರ್ದೇಶಕ ಪ್ರಸಿದ್ಧ್ ಚಿತ್ರ ನಿರ್ದೇಶಿಸಿದ್ದು, ಟ್ರೇಲರ್ ಬಿಡುಗಡೆ ಸಮಾರಂಭದಲ್ಲಿ ಚಿತ್ರದ ಕುರಿತು ಹೆಚ್ಚಿನ ಮಾಹಿತಿ ನೀಡಿದರು.

ಭರ್ಜರಿ ಗಂಡು ಚಿತ್ರಕ್ಕೆ ಕಥೆ ಮತ್ತು ಚಿತ್ರಕಥೆ ಬರೆದಿರುವ ಪ್ರಸಿದ್ಧ್, 'ನನ್ನ ಸ್ನೇಹಿತ ಮತ್ತು ಛಾಯಾಗ್ರಾಹಕ ಕಿಟ್ಟಿ ಕೌಶಿಕ್ ಈ ಚಿತ್ರಕ್ಕಾಗಿ ನಟ ಕಿರಣ್ ರಾಜ್ ಸೇರಿದಂತೆ ಅನೇಕ ಪ್ರತಿಭಾವಂತ ಕಲಾವಿದರನ್ನು ನನಗೆ ಪರಿಚಯಿಸಿದರು. ತಮ್ಮ ಆಕರ್ಷಕ ವ್ಯಕ್ತಿತ್ವಕ್ಕೆ ಹೆಸರುವಾಸಿಯಾಗಿರುವ ಕಿರಣ್ ರಾಜ್ ಅವರು ಚಿತ್ರದಲ್ಲಿ ಆ್ಯಕ್ಷನ್ ಹೀರೋ ಆಗಿ ನಟಿಸುತ್ತಿದ್ದಾರೆ. ಭರ್ಜರಿ ಗಂಡು ಗ್ರಾಮೀಣ ಭಾಗದ ಪ್ರೀತಿಯ ಕಥೆಯನ್ನು ಹೇಳುತ್ತದೆ. ಇದು ಯಾವುದೇ ಮಿತಿಯಿಲ್ಲದೆ ತನ್ನ ಹಳ್ಳಿ ಮತ್ತು ತನ್ನ ಜನರಿಗಾಗಿ ಬಹಳ ದೂರ ಹೋಗುವ ನಾಯಕನ ಬಗ್ಗೆ ಹೇಳುತ್ತದೆ' ಎನ್ನುತ್ತಾರೆ.

ಫೇಮಸ್ ಫಿಲ್ಮ್ಸ್ ಬ್ಯಾನರ್ ಅಡಿಯಲ್ಲಿ ಅನಿಲ್ ಕುಮಾರ್ ಮತ್ತು ಮದನ್ ಗೌಡ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಯಶ ಶಿವಕುಮಾರ್ ನಾಯಕಿಯಾಗಿ ನಟಿಸಿದ್ದಾರೆ. ಇನ್ನುಳಿದಂತೆ ಚಿತ್ರದ ತಾರಾಗಣದಲ್ಲಿ ನಿಸರ್ಗ ಲಕ್ಷ್ಮಣ್, ರಮೇಶ್ ಭಟ್, ರೋಹಿತ್ ನಾಗೇಶ್, ರಾಕೇಶ್ ರಾಜ್ ಮತ್ತು ಸೌರಭ್ ಕುಲಕರ್ಣಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಗುಮಿನೇನಿ ವಿಜಯ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ.

ಇದಲ್ಲದೆ, ಕಿರಣ್ ರಾಜ್ ಅವರು ಪೋಸ್ಟ್-ಪ್ರೊಡಕ್ಷನ್‌ ಹಂತದಲ್ಲಿರುವ ಇನ್ನೂ ಹೆಸರಿಸದ ಚಿತ್ರ, ಗುರುತೇಜ್ ಶೆಟ್ಟಿ ನಿರ್ದೇಶನದ ರೋನಿ ಮತ್ತು ಬದ್ದೀಸ್, ಚಿಕನ್ ಪುಳಿಯೋಗರೆ, ಚತುಷ್ಪಥ ಮತ್ತು ವಿಕ್ರಮ್ ಗೌಡ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ.