Kantara:Chapter 1: ಹೊಸ ಚಿತ್ರದಂತೆ ಕೆಲಸ ಮಾಡಿದ್ದೀವಿ, ಕನಕವತಿ ರುಕ್ಮಿಣಿ ವಸಂತ್ ಸಂದರ್ಶನ!

ಕಾಂತಾರವನ್ನು ಅಪಾರ ಪ್ರೀತಿ ಮತ್ತು ದೈವ ಭಕ್ತಿಯಿಂದ ನಿರ್ಮಿಸಲಾಗಿದೆ ಎಂಬುದು ಪ್ರೇಕ್ಷಕರ ಪ್ರತಿಕ್ರಿಯೆಯಿಂದ ಸ್ಪಷ್ಟವಾಗಿತ್ತು. ಆದ್ದರಿಂದ ಕಲಾವಿದರಾಗಿ ಈ ಜಗತ್ತಿಗೆ ಕಾಲಿಟ್ಟಾಗ, ಸಾಂಸ್ಕೃತಿಕ ಸಂದರ್ಭ ಮತ್ತು ಅದರ ಮೂಲವನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗುತ್ತದೆ. ಹೀಗಾಗಿ ನೀವು ಅದಕ್ಕೆ ನ್ಯಾಯವನ್ನು ಕೊಡಬೇಕಾಗುತ್ತದೆ. ತಾಳ್ಮೆಯಿಂದ ನನಗೆ ವಿವರಿಸಿದ ರಿಷಬ್ ಶೆಟ್ಟಿಗೆ ಮೊದಲ ಕ್ರೆಡಿಟ್ ಸಲ್ಲುತ್ತದೆ. ಅಲ್ಲಿಯವರೆಗೂ ನನಗೆ ಭೂತಕೋಲ, ದೈವ, ದಕ್ಷಿಣ ಕನ್ನಡದ ಹಲವು ಸಾಂಸ್ಕೃತಿಕ ಅಂಶಗಳ ಬಗ್ಗೆ ಅರಿವಿರಲಿಲ್ಲ. ಇದು ನನಗೆ ಕಾಂತಾರ ಪ್ರಪಂಚವನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡಿತು.

ಆರಂಭದಲ್ಲಿ ಸ್ವಲ್ಪ ನರ್ವಸ್ ಆಗಿದ್ದೆ. ಮೂಲ ತಂಡವು ಮತ್ತೆ ಒಂದಾಗುವುದರೊಂದಿಗೆ ಮತ್ತು ನಾನು ಹೊಸಬಳಾಗಿ ಪ್ರವೇಶಿಸಿದಾಗ ಭಯ ಇತ್ತು. ಆದರೆ ಇದನ್ನು ಪ್ರಿಕ್ವೆಲ್ ಆಗಿ ಮಾಡಲಾಗುತಿತ್ತು. ಹಳೆಯದರಲ್ಲಿ ನಾವು ನೋಡಿದ ಪ್ರಪಂಚದ ಸಂಪರ್ಕಗಳಿದ್ದರೂ, ಕಾಂತಾರ: ಚಾಪ್ಟರ್ 1, ಒಂದು ಸ್ವತಂತ್ರ ಕಥೆಯಾಗಿದೆ. ಇದು ಕೂಡಾ ಅದೇ ಜಗತ್ತು. ಆದರೆ ಬೇರೆ ಸಮಯದಲ್ಲಿ ಹೊಂದಿಸಲಾಗಿದೆ. ನಾವು ಹೊಸ ಚಿತ್ರವಾಗಿ ಪರಿಗಣಿಸಿದ್ದರಿಂದ ಯಾವುದೇ ಒತ್ತಡ ಇರಲಿಲ್ಲ.

ನಾನು ನಿಜವಾಗಿಯೂ ಮೀಮ್‌ಗಳನ್ನು ತುಂಬಾ ತಮಾಷೆಯಾಗಿ ಕಾಣ್ತೀನಿ. ಜನರು ತುಂಬಾ ಕ್ರಿಯೇಟಿವಿಯಿಂದ ಅವುಗಳನ್ನು ಮಾಡ್ತಾರೆ. ಅಂತಹುಗಳನ್ನು ನೋಡಿದ್ದೇನೆ. ಆದರೆ ಅವುಗಳನ್ನು ತಮಾಷೆಯಾಗಿ ತೆಗೆದುಕೊಳ್ಳುತ್ತೇನೆ

ಕನಕವತಿಯಾಗಿ ಆಚರಣೆಗಳು, ಸಂಗೀತ ಮತ್ತು ವಾತಾವರಣದೊಂದಿಗೆ ಭಾವನಾತ್ಮಕವಾಗಿ ಹೊಂದಿಕೊಳ್ಳಬೇಕಾಗಿತ್ತು. ಪ್ರಾಮಾಣಿಕವಾಗಿ ಹೇಳುವುದಾದರೆ ಕನಕಾವತಿ ನನ್ನಂತಲ್ಲ. ಈ ಪಾತ್ರವು ಸಂಪೂರ್ಣವಾಗಿ ವಿಭಿನ್ನ ರೀತಿಯ ದೇಹ ಭಾಷೆಯನ್ನು ಹೊಂದಿದೆ. ವಿಭಿನ್ನ ಜಗತ್ತು ಮತ್ತು ಪಾತ್ರಗಳನ್ನು ಸಾಕಾರಗೊಳಿಸುವುದು ಕಲಾವಿದೆಯ ಅತ್ಯುತ್ತಮ ಭಾಗವಲ್ಲವೇ? ಮತ್ತು ನಾನು ಅದನ್ನು ನಂಬುವಂತೆ ಮಾಡಬೇಕು, ಪಾತ್ರಕ್ಕೆ ತಕ್ಕಂತೆ ಮಾಡದಿದ್ದರೆ ಪ್ರೇಕ್ಷಕರು ಹೇಗೆ ಸ್ವೀಕರಿಸುತ್ತಾರೆ.

ರಾಮಾಯಣ ಮತ್ತು ಮಹಾಭಾರತಗಳು ನಮಗೆಲ್ಲರಿಗೂ ತಿಳಿದಿರುವುದಕ್ಕೆ ಪ್ರಮುಖ ಕಾರಣವೆಂದರೆ ಅವುಗಳನ್ನು ಪೀಳಿಗೆಯಿಂದ ಪೀಳಿಗೆಗೆ ತಿಳಿಸಲಾಗುತ್ತಿದೆ. ಅಂತೆಯೇ, ಇಂತಹ ನೆಲಮಟ್ಟದ ಕಥೆಗಳನ್ನು ಹೇಳಲು ರಿಷಬ್ ಶೆಟ್ಟಿ ಮತ್ತು ಹೊಂಬಾಳೆ ಫಿಲಂಸ್‌ನ ಜೊತೆಯಾಗಿದೆ. ಸಿನಿಮಾ ಒಂದು ಪ್ರಬಲ ಮತ್ತು ಬಹುಶಿಸ್ತೀಯ ಮಾಧ್ಯಮವಾಗಿದ್ದು ಈ ಕಥೆಗಳನ್ನು ಮುಂದಕ್ಕೆ ಕೊಂಡೊಯ್ಯುವ ಶಕ್ತಿಯನ್ನು ಹೊಂದಿದೆ.