ತಮಿಳು ನಟ ದಳಪತಿ ವಿಜಯ್ ಮತ್ತು ಪತ್ನಿ ಸಂಗೀತಾ ವಿಚ್ಛೇದನ ಅರ್ಜಿ ಸಾಕಷ್ಟು ಸುದ್ದಿ ಮಾಡಿತ್ತು. ವಿಜಯ್ಗೆ ನಟಿಯೊಂದಿಗೆ ವಿವಾಹೇತರ ಸಂಬಂಧವಿದೆ ಎಂದು ಸಂಗೀತಾ ಆರೋಪಿಸಿದ್ದು 25 ವರ್ಷಗಳ ದಾಂಪತ್ಯದ ನಂತರ ಬೇರ್ಪಡುವಿಕೆ ಎಲ್ಲರಿಗೂ ಆಘಾತವನ್ನುಂಟು ಮಾಡಿತ್ತು. ಏತನ್ಮಧ್ಯೆ ವಿಜಯ್ ಮಗ ಜೇಸನ್ ಪ್ರತಿಕ್ರಿಯೆಯೂ ಹೊರಹೊಮ್ಮಿದೆ. ಜೇಸನ್ ತಮ್ಮ ಹೆಸರಿನಲ್ಲಿ ಗಮನಾರ್ಹ ಬದಲಾವಣೆ ಮಾಡಿಕೊಂಡಿದ್ದಾರೆ.
ದಳಪತಿ ವಿಜಯ್ ಅವರ ಮಗ ಜೇಸನ್ ಸಂಜಯ್ ತಮ್ಮ ಹೆಸರಿನಲ್ಲಿ ಗಮನಾರ್ಹ ಬದಲಾವಣೆ ಮಾಡಿಕೊಂಡಿದ್ದಾರೆ. ಅವರ ಮೂಲ ಹೆಸರು ಜೇಸನ್ ಸಂಜಯ್ ವಿ (ವಿಜಯ್) ಆದರೆ ಈಗ ಅವರು ಅದನ್ನು ಜೇಸನ್ ಸಂಜಯ್ ಎಸ್ ಎಂದು ಬದಲಾಯಿಸಿದ್ದಾರೆ. ತನ್ನ ತಂದೆಯ ಹೆಸರಿನ ಮೊದಲ ಅಕ್ಷರವನ್ನು ಬದಲಿಸಿ ತನ್ನ ತಾಯಿಯ ಹೆಸರಿನ ಮೊದಲ ಅಕ್ಷರವನ್ನು ಬಳಸುತ್ತಿದ್ದಾರೆ. ಈ ಬದಲಾವಣೆಯು ಜನರನ್ನು ಅಚ್ಚರಿಗೊಳಿಸಿದೆ. ಇದು ಮಗನು ತನ್ನ ತಾಯಿಯನ್ನು ಬೆಂಬಲಿಸುವ ಮಾರ್ಗ ಎಂದು ಹಲವರು ನಂಬುತ್ತಾರೆ. ಇನ್ನು ಚೊಚ್ಚಲ ನಿರ್ದೇಶನದಲ್ಲಿ ಜೇಸನ್ ನಿರತರಾಗಿದ್ದಾರೆ.
ಪೋಷಕರ ಜಗಳದಿಂದಾಗಿ ಮಕ್ಕಳು ಹೆಚ್ಚು ಬಳಲುತ್ತಾರೆ. ಜೇಸನ್ ಸಾಮಾಜಿಕ ಮಾಧ್ಯಮದಲ್ಲಿ ತನ್ನ ತಂದೆ ವಿಜಯ್ ಅವರನ್ನು ಅನ್ಫಾಲೋ ಮಾಡಿದ್ದರು. ವಿಜಯ್ ಮತ್ತು ಸಂಗೀತಾ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಮಗ ಜೇಸನ್ ಮತ್ತು ಮಗಳು ದಿವ್ಯಾ ಸಶಾ. ಕುಟುಂಬವು ಸಂತೋಷದಿಂದ ಬದುಕುತ್ತಿತ್ತು. ಆದರೆ ಈಗ ಎಲ್ಲವೂ ಬದಲಾಗಿದೆ. ಮಕ್ಕಳು ತಮ್ಮ ಪೋಷಕರ ನಡುವೆ ಸಿಲುಕಿಕೊಂಡಿದ್ದಾರೆ. ಇದರಿಂದಾಗಿ ಅವರಿಗೆ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಕಷ್ಟವಾಗುತ್ತದೆ.
ದಳಪತಿ ವಿಜಯ್ ಇತ್ತೀಚೆಗೆ ನಟಿ ತ್ರಿಶಾ ಜೊತೆ ಮದುವೆ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ತ್ರಿಶಾ ಮತ್ತು ವಿಜಯ್ ನಡುವಿನ ಸಂಬಂಧದ ವದಂತಿಗಳು ವ್ಯಾಪಕವಾಗಿ ಹರಡಿವೆ. ಮದುವೆಯಲ್ಲಿ ಅವರು ಒಟ್ಟಿಗೆ ಕಾಣಿಸಿಕೊಂಡಿರುವುದು ಈ ವದಂತಿಗಳಿಗೆ ಮತ್ತಷ್ಟು ಪುಷ್ಠಿ ನೀಡಿತ್ತು. ಅನೇಕ ಜನರು ವಿವಿಧ ಕಾಮೆಂಟ್ಗಳನ್ನು ಮಾಡುತ್ತಿದ್ದಾರೆ. ಆದಾಗ್ಯೂ, ದಳಪತಿ ವಿಜಯ್ ಅಥವಾ ತ್ರಿಶಾ ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ.
Advertisement
