ತಮ್ಮ ಮುಂಬರುವ ಚಿತ್ರ 'ಕಾಳಿ ಖೇತಿ'ಯ ಟ್ರೈಲರ್ ಬಿಡುಗಡೆ ಸಮಾರಂಭದಲ್ಲಿ, 'ರಾಮಾಯಣ'ದ ಹಿಂದಿ ಆವೃತ್ತಿಯಲ್ಲಿ ಯಶ್ ನಿರ್ವಹಿಸಿರುವ ರಾವಣ ಪಾತ್ರಕ್ಕೆ ತಾವು ಧ್ವನಿ ನೀಡಿರುವ ಬಗ್ಗೆ ಶರದ್ ಕೇಳ್ಕರ್ ಮಾತನಾಡಿದ್ದಾರೆ.
ಯಶ್ ಅವರ ರಾವಣ ಪಾತ್ರಕ್ಕೆ ಧ್ವನಿ ನೀಡಿದ್ದಕ್ಕಾಗಿ ತಮಗೆ ಸಿಕ್ಕ ಮೆಚ್ಚುಗೆಗೆ ಪ್ರತಿಕ್ರಿಯಿಸಿದ ಕೇಳ್ಕರ್, ತಮಾಷೆಯಾಗಿ ರಾವಣನ ಗಂಭೀರ ಧ್ವನಿಯಲ್ಲೇ ಹೀಗೆ ಹೇಳಿದರು, ನಾನು ಹೇಳಬಯಸುವುದೇನೆಂದರೆ, ಎಲ್ಲೆಡೆ, ಮೂರೂ ಲೋಕಗಳಲ್ಲಿ ಒಂದೇ ಆಳ್ವಿಕೆ ಇರುತ್ತದೆ - ಅದು ಕೇಳ್ಕರ್ ಆಳ್ವಿಕೆ ಎಂದರು.
ಚಿತ್ರದಲ್ಲಿ ಯಶ್ ಅವರ ಅಭಿನಯವನ್ನು ಶ್ಲಾಘಿಸಿದ ಕೇಳ್ಕರ್, ನಿಜ ಹೇಳಬೇಕೆಂದರೆ, ಇದು ಕೇವಲ ಚಿತ್ರದ ವಿಷಯವಲ್ಲ, ನಾನು ಯಶ್ ಅವರನ್ನು ಖಂಡಿತವಾಗಿಯೂ ಅಭಿನಂದಿಸಲೇಬೇಕು. ಅವರು ಈ ಚಿತ್ರದಲ್ಲಿ ನಟಿಸಿರುವ ರೀತಿ... ಬೇರೆ ಯಾರಿಂದಲೂ ಹೀಗೆ ಮಾಡಲು ಸಾಧ್ಯವಿರಲಿಲ್ಲ ಎಂದು ನನಗನ್ನಿಸುತ್ತದೆ. ಅವರು ಅತ್ಯಂತ ಪ್ರತಿಭಾವಂತ ನಟ; ಅವರು ಪಾತ್ರವನ್ನು ನಿರ್ವಹಿಸಿದ ರೀತಿ, ಆ ಪಾತ್ರದಲ್ಲಿ ಅವರು ತೋರಿದ ಗಾಂಭೀರ್ಯ ಮತ್ತು ದೃಢತೆ - ನಿಜಕ್ಕೂ ಅದ್ಭುತ ಎಂದರು.
ಅದಕ್ಕಾಗಿಯೇ ಚಿತ್ರದಲ್ಲಿ ಅವರಿಗೆ ಇಷ್ಟೊಂದು ಮೆಚ್ಚುಗೆ ಸಿಗುತ್ತಿದೆ. ಅವರು ಅಷ್ಟು ಅದ್ಭುತವಾಗಿ ನಟಿಸಿದ್ದಾರೆ... ವಾಸ್ತವವಾಗಿ, ಆ ಪಾತ್ರಕ್ಕೆ ಡಬ್ಬಿಂಗ್ ಮಾಡುವುದು ನನಗೆ ತುಂಬಾ ಕಷ್ಟಕರವಾಗಿತ್ತು, ಏಕೆಂದರೆ ಅವರು ಚಿತ್ರದಲ್ಲಿ ಅಷ್ಟು ಅದ್ಭುತವಾಗಿ ಅಭಿನಯಿಸಿದ್ದಾರೆ.'
