ಗಂಟೆಗೆ 140 ಕಿಮೀ ವೇಗದಲ್ಲಿ ಬರುವ ಕ್ರಿಕೆಟ್ ಬಾಲ್ನ್ನು ಅದರ ದುಪಟ್ಟು ವೇಗದಲ್ಲಿ ಸಿಕ್ಸರ್ ಹೊಡೆಯುತ್ತಿದ್ದ ಮಹೇಂದ್ರ ಸಿಂಗ್ ಧೋನಿಯಲ್ಲಿ, ನಿಮಗೆ ಅಷ್ಟೊಂದು ಶಕ್ತಿ ಎಲ್ಲಿಂದ ಬರುತ್ತದೆ? ಎಂದು ಕೇಳಿದಾಗ ಆತ ನಾನು ದಿನಾ ಆರು ಲೀಟರ್ ಹಾಲು ಕುಡಿಯುತ್ತೇನೆ ಎಂದಿದ್ದರು (ಅದು ಸುಮ್ನೆ ತಮಾಷೆಗೆ ಹೇಳಿದ್ದು ಎಂದು ಆಮೇಲೆ ಗೊತ್ತಾಯ್ತು). ಇದೀಗ ಟಿ20 ವಿಶ್ವಕಪ್ನಲ್ಲಿ ಅಬ್ಬರಿಸುತ್ತಿರುವ ವಿರಾಟ್ಕೊಹ್ಲಿ ಮತ್ತು ಕ್ರೀಸ್ನಲ್ಲಿ ಹೊಡೆಬಡಿ ಆಟವಾಡುವ ಕ್ರಿಸ್ ಗೇಲ್ ರನ್ನು ನೋಡಿದಾಗ, ಅವರ ಫಿಟ್ನೆಸ್, ಸಾಮರ್ಥ್ಯವನ್ನು ನೋಡಿದಾಗ ಇವರು ಹೊಟ್ಟೆಗೇನು ತಿನ್ನುತ್ತಾರಪ್ಪಾ? ಎಂಬ ಪ್ರಶ್ನೆ ಉದ್ಭವಿಸುವುದು ಸಹಜ.