ಪಂಜಾಬ್ ಮಣಿಸಿದ ಡೆಲ್ಲಿ; ಟೂರ್ನಿಯಲ್ಲಿ ಪಂಜಾಬ್‌ಗೆ ಸತತ 2ನೇ ಸೋಲು

ನವದೆಹಲಿ: ಐಪಿಎಲ್ 10ನೇ ಆವೃತ್ತಿಯ 15ನೇ ಪಂದ್ಯದಲ್ಲಿ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡವನ್ನು ಮಣಿಸಿದ್ದು ಟೂರ್ನಿಯಲ್ಲಿ ಪಂಜಾಬ್ ಸತತ 2ನೇ ಸೋಲು ಕಂಡಿದೆ. 

ಫಿರೋಜ್ ಷಾ ಕೋಟ್ಲಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಡೇರ್ ಡೆವಿಲ್ಸ್ ನಿಗದಿತ ಓವರ್ ನಲ್ಲಿ 6 ವಿಕೆಟ್ ನಷ್ಟಕ್ಕೆ 188 ರನ್ ಗಳಿಸಿತು. 189 ರನ್ ಗಳ ಬೃಹತ್ ಮೊತ್ತದ ಗುರಿ ಬೆನ್ನಟ್ಟಿದ ಪಂಜಾಬ್ ನಿಗದಿತ ಓವರ್ ನಲ್ಲಿ 9 ವಿಕೆಟ್ ಗೆ 137 ರನ್ ಗಳಿಸಲಷ್ಟೇ ಶಕ್ತವಾಯಿತು. ಇದರೊಂದಿಗೆ 51 ರನ್ ಗಳ ಅಂತರದಿಂದ ಸೋಲು ಕಂಡಿತು. 

ಡೆತ್ ಓವರ್ ನಲ್ಲಿ ವೇಗಿ ಕ್ರಿಸ್ ಮೋರಿಸ್(23ಕ್ಕೆ 3) ಮತ್ತು ಪ್ಯಾಟ್ ಕಮಿನ್ಸ್(23ಕ್ಕೆ 2) ಅವರ ಕರಾರುವಕ್ ದಾಳಿಯಿಂದಾಗಿ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ಗೆಲುವಿನ ನಗೆ ಬೀರಿತು.