ಟಿ20 ಕ್ರಿಕೆಟ್‌ನಲ್ಲಿ ದಾಖಲೆ 18 ಸಿಕ್ಸರ್ ಬಾರಿಸಿದ ಕ್ರಿಸ್ ಗೇಯ್ಲ್; ಮತ್ತೆರಡು ಹೊಸ ದಾಖಲೆ ಸೃಷ್ಟಿ!

ಢಾಕಾ: ಟಿ20 ಕ್ರಿಕೆಟ್ ನಲ್ಲಿ ವೆಸ್ಟ್ ಇಂಡೀಸ್ ತಂಡದ ಸ್ಫೋಟಕ ಬ್ಯಾಟ್ಸ್ ಮನ್ ಕ್ರಿಸ್ ಗೇಯ್ಲ್ ದಾಖಲೆಗಳಿಗೆ ಕೊನೆಯೇ ಇಲ್ಲ ಎಂದು ಕಾಣಿಸುತ್ತದೆ. 

ಟಿ20 ಕ್ರಿಕೆಟ್ ನಲ್ಲಿ ಒಟ್ಟು 20 ಶತಕ ಸಿಡಿಸಿರುವ ವಿಶ್ವದ ಏಕೈಕ ಆಟಗಾರ ಎಂಬ ಖ್ಯಾತಿಗೆ ಭಾಜನರಾಗಿದ್ದಾರೆ. ಇನ್ನು ಪಂದ್ಯವೊಂದರಲ್ಲಿ 18 ಸಿಕ್ಸರ್ ಬಾರಿಸಿ ವಿಶ್ವ ದಾಖಲೆಯನ್ನು ಗೇಯ್ಲ್ ನಿರ್ಮಿಸಿದ್ದಾರೆ. ಇದರ ಜೊತೆಗೆ ಅತೀ ಹೆಚ್ಚು ಸಿಕ್ಸರ್ ಬಾರಿಸಿದ ಖ್ಯಾತಿ ಗೇಯ್ಲರದ್ದು. 

ಟಿ20 ಟೂರ್ನಿಯಲ್ಲಿ ಒಟ್ಟಾರೆ 67 ಅರ್ಧಶತಕ ಬಾರಿಸಿರುವ ಗೇಯ್ಲ್ ಬಾಂಗ್ಲಾದೇಶದ ಪ್ರಿಮಿಯರ್ ಲೀಗ್(ಬಿಪಿಎಲ್) ಟೂರ್ನಿಯಲ್ಲಿ 20ನೇ ಶತಕ ಸಿಡಿಸಿದ್ದು ಆ ಮೂಲಕ ಟಿ20 ಕ್ರಿಕೆಟ್ ನಲ್ಲಿ ಅಚ್ಚಳಿಯದ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. 

ಟಿ20 ಕ್ರಿಕೆಟ್ ನಲ್ಲಿ 320 ಪಂದ್ಯಗಳನ್ನು ಆಡಿರುವ ಗೇಯ್ಲ್ 11 ಸಾವಿರ ರನ್ ಪೂರೈಸಿದ ಮೊದಲ ಆಟಗಾರ ಎನಿಸಿಕೊಂಡಿದ್ದು ಒಟ್ಟಾರೆ 819 ಸಿಕ್ಸರ್ ಗಳನ್ನು ಬಾರಿಸಿದ್ದಾರೆ. ಇನ್ನು ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್)ನಲ್ಲಿ ಹಲವು ವರ್ಷಗಳ ಕಾಲ ರಾಯಲ್ ಚಾಲೆಂಜರ್ಸ್ ಬೆಂಗಳೂರು(ಆರ್ಸಿಬಿ) ಪರ ಆಡಿದ್ದು ಇಲ್ಲೂ ಸಹ ಹಲವು ದಾಖಲೆಗಳನ್ನು ಬರೆದಿದ್ದರು.