ಲಂಡನ್‌: ಇಂಗ್ಲೆಂಡ್ ನಲ್ಲಿ ನಡೆಯುತ್ತಿರುವ ಐಸಿಸಿ ಚಾಂಪಿಯನ್ಸ್‌ ಟ್ರೋಫಿಯ ಎರಡನೇ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಟೀಂ ಇಂಡಿಯಾ, ಶ್ರೀಲಂಕಾ ಗೆಲುವಿಗೆ 322 ರನ್‌ ಗಳ ಬೃಹತ್ ಟಾರ್ಗೆಟ್ ನೀಡಿದೆ.
ಟಾಸ್ ಸೋತರು ಮೊದಲು ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಭಾರತ ನಿಗದಿತ 50 ಓವರ್ ಗಳಲ್ಲಿ 6 ವಿಕೆಟ್‌ ನಷ್ಟಕ್ಕೆ 321 ರನ್‌ ಗಳಿಸಿತು. ಟಾಸ್ ಗೆದ್ದ ಶ್ರೀಲಂಕಾ ಬೌಲಿಂಗ್‌ ಆಯ್ಕೆ ಮಾಡಿಕೊಂಡಿತ್ತು.
ಭಾರತದ ಪರ ಆರಂಭಿಕ ಆಟಗಾರ ಶಿಖರ್ ಧವನ್ ಅಮೋಘ ಶತಕ ದಾಖಲಿಸಿದರು. ರೋಹಿತ್‌ ಶರ್ಮಾ ಮತ್ತು ಮಹೇಂದ್ರ ಸಿಂಗ್ ದೋನಿ ಅರ್ಧಶತಕ ಗಳಿಸಿದರು. ವೇಗದ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಕೇದಾರ್ ಜಾದವ್‌ 25 ರನ್‌ ಸಿಡಿಸಿದರು.
ಶ್ರೀಲಂಕಾದ ಪರ ಮಲಿಂಗ 2 ವಿಕೆಟ್‌ ಪಡೆದರೆ, ಪ್ರದೀಪ್‌, ಲಕ್‌ಮಲ್‌, ಪೆರೇರಾ, ಗುಣರತ್ನೆ ತಲಾ 1 ವಿಕೆಟ್‌ ಪಡೆದರು.
