ವಿಶ್ವ ಚಾಂಪಿಯನ್ ಇಂಗ್ಲೆಂಡ್ ಥ್ರಿಲ್ಲಿಂಗ್, ಉಲ್ಲಾಸ, ಸಂಭ್ರಮಕ್ಕೆ ಕಾರಣವಾದ 'ರನೌಟ್' - ವಿಡಿಯೋ

ಲಂಡನ್ : ವಿಶ್ವಕ್ಕೆ ಕ್ರಿಕೆಟ್ ಕ್ರೀಡೆಯನ್ನು ಕೂಡುಗೆಯನ್ನು ನೀಡಿದ ಇಂಗ್ಲೆಂಡ್ ತಂಡವು ಫೈನಲ್ ನಲ್ಲಿ ಸೂಪರ್ ಓವರ್ ನ ರೋಚಕ ಹಣಾಹಣಿಯಲ್ಲಿ ನ್ಯೂಜಿಲೆಂಡ್ ಎದುರು ಗೆದ್ದಿತು. 

ಅದ್ಬುತ ಫೀಲ್ಡಿಂಗ್, ಛಲದ ಆಟವಾಡಿದ ಕಿವೀಸ್ ಬಳಗಕ್ಕೆ ಕೊನೆಗೂ ಅದೃಷ್ಟ ಒಲಿಯಲಿಲ್ಲ. ಸತತ ಎರಡನೇ ಬಾರಿ ರನ್ನರ್ಸ್ ಆಪ್ ಆಯಿತು. ನಿಗದಿತ ಓವರ್ ಗಳಲ್ಲಿ ಹತ್ತಾರು ನಾಟಕೀಯ ತಿರುವುಗಳನ್ನು ಕಂಡ ಪಂದ್ಯವು ಟೈ ಆಯಿತು. ಇಂಗ್ಲೆಂಡ್ ತಂಡದ  ಆಲ್ ರೌಂಡರ್ ಬೆನ್ ಸ್ಟೋಕ್ಸ್ ಅವರ ದಿಟ್ಟ ಬ್ಯಾಟಿಂಗ್ ಇದಕ್ಕೆ ಕಾರಣವಾಯಿತು.

ಸೂಪರ್ ಓವರ್ ನಲ್ಲಿ  ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ , ಬಟ್ಲರ್ - ಸ್ಟೋಕ್ಸ್  ನಿರ್ವಹಣೆಯಿಂದ 15 ರನ್ ಪೇರಿಸಿತು.ನಂತರ ಕಿವೀಸ್ ಪರ ಬ್ಯಾಟಿಂಗ್ ಇಳಿದ ಜಿಮ್ಮಿ ನೀಶಾಮ್ ಹಾಗೂ ಮಾರ್ಟಿನ್ ಗುಪ್ಟಿಲ್, ಚೋಪ್ರಾ ಅರ್ಚರ್ ರ 6 ಎಸೆತಗಳಲ್ಲಿ 15 ಬಾರಿಸಿತು. ಸೂಪರ್ ಓವರ್ ನಲ್ಲಿ ನ್ಯೂಜಿಲೆಂಡ್ ಬ್ಯಾಟಿಂಗ್ ನ ಕೊನೆ ಎಸೆತದಲ್ಲಿ ಮಾರ್ಟಿನ್ ಗುಪ್ಟಿಲ್  ರನೌಟ್ ಆಗಿದ್ದೇ ತಡ ಇಂಗ್ಲೆಂಡ್ ತಂಡದಲ್ಲಿ ಸಂಭ್ರಮ ಮುಗಿಲು ಮುಟ್ಟಿತು.