ಏಷ್ಯಾಕಪ್ 2022: ಅಂತಿಮ ಹಂತದಲ್ಲಿ ಭರ್ಜರಿ ಬ್ಯಾಟಿಂಗ್, ದಾಖಲೆ ಬರೆದ ಭಾರತ ತಂಡ

ದುಬೈ; ಏಷ್ಯಾಕಪ್ 2022 ಕ್ರಿಕೆಟ್ ಟೂರ್ನಿಯ ಇಂದಿನ ಹಾಂಗ್ ಕಾಂಗ್ ವಿರುದ್ಧದ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿರುವ ಭಾರತ ತಂಡ ದಾಖಲೆಯೊಂದನ್ನು ನಿರ್ಮಿಸಿದೆ.

ಹೌದು.. ಇಂದು ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡ 20 ಓವರ್ ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 192 ರನ್ ಗಳ ಬೃಹತ್ ರನ್ ಪೇರಿಸಿದ್ದು, ಈ ಮೊತ್ತದ ಮೂಲಕ ಭಾರತ ತಂಡ ದಾಖಲೆಯೊಂದನ್ನು ನಿರ್ಮಿಸಿದೆ.

Most runs in death overs (16-20) by India in T20Is
86 v WI Kolkata 2022
80 v Eng Durban 2007
78 v HK Dubai 2022 *
77 v Aus Bengaluru 2019

ಆಂತಾರಾಷ್ಟ್ರೀಯ ಟಿ20 ಪಂದ್ಯಗಳ ಅಂತಿಮ ಹಂತದ ಓವರ್ (ಡೆತ್ ಓವರ್)ಗಳಲ್ಲಿ ಗರಿಷ್ಠ ರನ್ ಗಳಿಸಿದ ಪಟ್ಟಿಯಲ್ಲಿ ಇಂದಿನ ಭಾರತದ ಇನ್ನಿಂಗ್ಸ್ ಸ್ಥಾನ ಪಡೆದಿದೆ. ಇಂದಿನ ಹಾಂಗ್ ಕಾಂಗ್ ವಿರುದ್ಧದ ಪಂದ್ಯದಲ್ಲಿ ಭಾರತದ ಇನ್ನಿಂಗ್ಸ್ ನ 16 ರಿಂದ 20ನೇ ಓವರ್ ನ ಐದು ಓವರ್ ಗಳಲ್ಲಿ ಭಾರತ ತಂಡ ಬರೊಬ್ಬರಿ 78 ರನ್ ಕಲೆ ಹಾಕಿತು. ಇದು ಭಾರತ ಪರ ಡೆತ್ ಓವರ್ ನಲ್ಲಿ ದಾಖಲಾದ 3ನೇ ಗರಿಷ್ಠ ರನ್ ಗಳಿಕೆಯಾಗಿದೆ.

ಇದನ್ನೂ ಓದಿ: ಏಷ್ಯಾಕಪ್ 2022: ಕೊಹ್ಲಿ, ಸೂರ್ಯಕುಮಾರ್ ಯಾದವ್ ಅರ್ಧಶತಕ; ಹಾಂಗ್ ಕಾಂಗ್ ಗೆ 193 ಟಾರ್ಗೆಟ್ ನೀಡಿದ ಭಾರತ

ಈ ಹಿಂದೆ ಇದೇ ವರ್ಷ ಅಂದರೆ 2022ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಭಾರತ ತಂಡ 86ರನ್ ಕಲೆಹಾಕಿತ್ತು. ಇದು ಈ ವರೆಗೆ ಭಾರತ ಡೆತ್ ಓವರ್ ನಲ್ಲಿ ಕಲೆಹಾಕಿದ ಗರಿಷ್ಠ ರನ್ ಗಳಿಕೆಯಾಗಿದೆ. ಇದಕ್ಕೂ ಮೊದಲು 2007ರಲ್ಲಿ ದಕ್ಷಿಣ ಆಫ್ರಿಕಾದ ಡರ್ಬನ್ ನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ 80ರನ್ ಕಲೆಹಾಕಿತ್ತು. ಇದು ಈ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದೆ. ಮೂರನೇ ಸ್ಥಾನದಲ್ಲಿ ಇಂದಿನ ಪಂದ್ಯವಿದ್ದು, ನಾಲ್ಕನೇ ಸ್ಥಾನದಲ್ಲಿ 2019ರಲ್ಲಿ ಬೆಂಗಳೂರಿನಲ್ಲಿ ನಡೆದಿದ್ದ ಆಸ್ಚ್ರೇಲಿಯಾ 77ರನ್ ಗಳಿಸಿತ್ತು. ಇದು 4ನೇ ಸ್ಥಾನದಲ್ಲಿದೆ.