social_icon

ಭಾರತದಲ್ಲಿ 30+ ಆಟಗಾರರನ್ನು 80ರ ಮುದುಕರಂತೆ ನೋಡುತ್ತಾರೆ: ಬಿಸಿಸಿಐಗೆ ಗುಡ್ ಬೈ ಹೇಳಿ, ವಿದೇಶದತ್ತ ಮುಖ ಮಾಡಿದ ಟೀಂ ಇಂಡಿಯಾ ಓಪನರ್!

ಬಿಸಿಸಿಐ ಕ್ರಿಕೆಟ್ ಜಗತ್ತಿನ ಅನಭಿಶಕ್ತ ದೊರೆ... ಜಾಗತಿಕ ಕ್ರಿಕೆಟ್ ನ ಶ್ರೀಮಂತ ಬೋರ್ಡ್..ಇಂತಹ ದೊಡ್ಡ ಬೋರ್ಡ್ ತೊರೆಯಲು ಮುಂದಾಗಿರುವ ಟೀಂ ಇಂಡಿಯಾ ಓಪನರ್ ಇದೀಗ ವಿದೇಶಿ ತಂಡಗಳತ್ತ ಮುಖ ಮಾಡಿದ್ದಾರೆ.

Published: 14th January 2023 01:02 PM  |   Last Updated: 14th January 2023 03:07 PM   |  A+A-


Murali-Vijay

ವಿದೇಶದತ್ತ ಮುಖ ಮಾಡಿದ ಟೀಂ ಇಂಡಿಯಾ ಓಪನರ್

Posted By : Srinivasamurthy VN
Source : Online Desk

ಚೆನ್ನೈ: ಬಿಸಿಸಿಐ ಕ್ರಿಕೆಟ್ ಜಗತ್ತಿನ ಅನಭಿಶಕ್ತ ದೊರೆ... ಜಾಗತಿಕ ಕ್ರಿಕೆಟ್ ನ ಶ್ರೀಮಂತ ಬೋರ್ಡ್..ಇಂತಹ ದೊಡ್ಡ ಬೋರ್ಡ್ ತೊರೆಯಲು ಮುಂದಾಗಿರುವ ಟೀಂ ಇಂಡಿಯಾ ಓಪನರ್ ಇದೀಗ ವಿದೇಶಿ ತಂಡಗಳತ್ತ ಮುಖ ಮಾಡಿದ್ದಾರೆ.

ಹೌದು... ಭಾರತೀಯ ಕ್ರಿಕೆಟ್‌ನಲ್ಲಿ ಎಲ್ಲಾ ಕಥೆಗಳು ಸುಖಾಂತ್ಯವನ್ನು ಹೊಂದಿರುವುದಿಲ್ಲ....ಅದೆಷ್ಟೋ ಪ್ರತಿಭಾನ್ವಿತ ಕ್ರಿಕೆಟಿಗರು ಅವಕಾಶವಂಚಿತರಾಗಿ ತಮ್ಮ ವೃತ್ತಿ ಜೀವನ ಕಳೆದುಕೊಂಡಿದ್ದಾರೆ. ಮತ್ತೆ ಕೆಲವರು ವಿದೇಶಿ ತಂಡಗಳಲ್ಲಿ ಆಡುವ ಮೂಲಕ ಪರ್ಯಾಯ ಮಾರ್ಗ ಹುಡುಕಿಕೊಂಡಿದ್ದಾರೆ. ಈ ಪಟ್ಟಿಗೆ ಇದೀಗ ಟೀಂ ಇಂಡಿಯಾದ ಮತ್ತೋರ್ವ ಸ್ಟಾರ್ ಬ್ಯಾಟ್ಸ್ ಮನ್ ಸೇರ್ಪಡೆಯಾಗಿದ್ದು, ಭಾರತದ ಪರ 61 ಟೆಸ್ಟ್ ಮತ್ತು 17 ಏಕದಿನ ಮತ್ತು 9 ಟಿ20 ಪಂದ್ಯಗಳನ್ನು ಆಡಿರುವ ಅನುಭವಿ ಆರಂಭಿಕ ಆಟಗಾರ ಮುರಳಿ ವಿಜಯ್ ಇದೀಗ ಬಿಸಿಸಿಐ ತೊರೆಯಲು ಮುಂದಾಗಿದ್ದಾರೆ.

ಇದನ್ನೂ ಓದಿ: ಕೆ ಎಲ್ ರಾಹುಲ್-ಅಥಿಯಾ ಶೆಟ್ಟಿ ವಿವಾಹ ಜ.23ಕ್ಕೆ?: ನ್ಯೂಜಿಲ್ಯಾಂಡ್ ಸರಣಿಯಿಂದ ರಾಹುಲ್ ಹೊರಗುಳಿದಿದ್ದೇಕೆ?

2018ರಲ್ಲಿ  ಆಸ್ಟ್ರೇಲಿಯಾ ವಿರುದ್ಧ ಪರ್ತ್‌ನಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ ಕೊನೆಯಬಾರಿಗೆ ಟೀಂ ಇಂಡಿಯಾದಲ್ಲಿ ಕಾಣಿಸಿಕೊಂಡಿದ್ದ ಮುರುಳಿ ವಿಜಯ್ ಬಳಿಕ ತಮಿಳುನಾಡು ಕ್ರಿಕೆಟ್ ಲೀಗ್ ನಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ತಂಡದಲ್ಲಿ ಅವಕಾಶ ಸಿಗದೇ ಇರುವ ಕಾರಣ ಅವರು ವಿದೇಶಿ ತಂಡಗಳತ್ತ ಮುಖ ಮಾಡಿದ್ದಾರೆ. ಭಾರತದ ಪರ 61 ಟೆಸ್ಟ್ (3982 ರನ್), 17 ODI (339 ರನ್), ಒಂಬತ್ತು T20I (169 ರನ್) ಆಡಿರುವ ಅನುಭವಿ ಆರಂಭಿಕ ಆಟಗಾರ ಮುರಳಿ ವಿಜಯ್ ಭಾರತದಲ್ಲಿ ನನ್ನ ಕ್ರಿಕೆಟ್‌ ಅಧ್ಯಾಯ "ಬಹುತೇಕ ಮುಗಿದಿದೆ" ಮತ್ತು ಆಟವನ್ನು ಮುಂದುವರಿಸಲು ವಿದೇಶಕ್ಕೆ ಹೋಗಲು ಬಯಸುತ್ತೇನೆ ಎಂದು ಹೇಳಿದ್ದಾರೆ. 

ಈ ಕುರಿತು ವೆಡ್ನೆಸ್ ಡೇ ವಿತ್ ರಾಮನ್ ಕಾರ್ಯಕ್ರಮದಲ್ಲಿ ಮಾತನಾಡಿರುವ ಮುರಳಿ ವಿಜಯ್, 'ಭಾರತೀಯ ಕ್ರಿಕೆಟ್‌ನಲ್ಲಿ ಅವಕಾಶ ಪಡೆಯಲು ನನ್ನ ವಯಸ್ಸು ಅಡ್ಡಿಯಾಗುತ್ತಿದೆ.. ನಾನು BCCI ಜೊತೆಗಿನ ನನ್ನ ವ್ಯವಹಾರವನ್ನು ಬಹುತೇಕ ಮುಗಿಸಿದ್ದೇನೆ ಮತ್ತು ನಾನು ವಿದೇಶದಲ್ಲಿ ನನ್ನ ಮಾರ್ಗಗಳನ್ನು ಕಂಡುಕೊಳ್ಳಲು ಬಯಸುತ್ತೇನೆ. ಸ್ವಲ್ಪ ಸ್ಪರ್ಧಾತ್ಮಕ ಕ್ರಿಕೆಟ್ ಅನ್ನು ಆಡಲ ಬಯಸುತ್ತೇನೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಪಾಕಿಸ್ತಾನ ಕ್ರಿಕೆಟ್ ಈ ಸ್ಥಿತಿಗೆ ಬಿಸಿಸಿಐನ 'ಬಿಜೆಪಿ ಮನಸ್ಥಿತಿ' ಕಾರಣ: ಪಿಸಿಬಿ ಮಾಜಿ ಅಧ್ಯಕ್ಷ ರಮೀಜ್ ರಾಜಾ

ಭಾರತದಲ್ಲಿ 30 ಪ್ಲಸ್ ಆಟಗಾರರನ್ನು 80 ವರ್ಷದ ಮುದುಕರಂತೆ ನೋಡುತ್ತಾರೆ. ನಾನು ಯಾವುದೇ ವಿವಾದಕ್ಕೆ ಸಿಲುಕಲು ಬಯಸುವುದಿಲ್ಲ. ಮಾಧ್ಯಮಗಳು ಅದನ್ನು ವಿಭಿನ್ನವಾಗಿ ಹೇಳಬೇಕು. ನಿಮ್ಮ 30ರ ಹರೆಯದಲ್ಲಿ. ಇದೀಗ ಇಲ್ಲಿ ಕುಳಿತು, ನಾನು ಈಗ ಬ್ಯಾಟಿಂಗ್ ಮಾಡುವ ರೀತಿಯಲ್ಲಿಯೇ ಬ್ಯಾಟ್ ಮಾಡಬಲ್ಲೆ. ಆದರೆ ದುರದೃಷ್ಟವಶಾತ್ ಅಥವಾ ಅದೃಷ್ಟವಶಾತ್, ಅವಕಾಶಗಳು ಕಡಿಮೆಯಾಗಿವೆ.. ಹೀಗಾಗಿ ನಾನು ಹೊರಗೆ ನನ್ನ ಅವಕಾಶಗಳನ್ನು ಹುಡುಕಬೇಕಾಗಿದೆ. ಬಹುಶಃ ವೀರೇಂದ್ರ ಸೆಹ್ವಾಗ್ ಅವರಂತೆ ನನಗೆ ಬೆಂಬಲ ಸಿಕ್ಕಿದ್ದರೆ, ವಿಷಯಗಳು ವಿಭಿನ್ನವಾಗಿರಬಹುದು ಎಂದು ಮುರಳಿ ವಿಜಯ್ ಹೇಳಿದ್ದಾರೆ.

2020 ರಲ್ಲಿ, ಮುರಳಿ ವಿಜಯ್ ಅವರು ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ವೇಳೆ ತಮಿಳುನಾಡು ತಂಡವನ್ನು ಪ್ರತಿನಿಧಿಸಿದ್ದರು. ಇತ್ತೀಚೆಗೆ, ಅವರು ಹವ್ಯಾಸಿ ಗಾಲ್ಫ್ ಪಂದ್ಯಾವಳಿಯಲ್ಲಿ ಕಾಣಿಸಿಕೊಂಡು ಸುದ್ದಿಯಾಗಿದ್ದರು. ಚೆನ್ನೈ ಓಪನ್ ಗಾಲ್ಫ್ ಚಾಂಪಿಯನ್‌ಶಿಪ್‌ನಲ್ಲೂ ಭಾಗವಹಿಸಿದ್ದರು.


Stay up to date on all the latest ಕ್ರಿಕೆಟ್ news
Poll
Railways Minister Ashwini Vaishnaw waves at a goods train as train services resume

ಒಡಿಶಾದಲ್ಲಿ ಭೀಕರ ರೈಲು ಅಪಘಾತದ ನೈತಿಕ ಹೊಣೆ ಹೊತ್ತು ರೈಲ್ವೆ ಸಚಿವರು ರಾಜೀನಾಮೆ ನೀಡಬೇಕೇ?


Result
ಹೌದು
ಬೇಡ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp