ಐಪಿಎಲ್ 2026ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ (DC) ವಿರುದ್ಧ ಸೋತ ನಂತರ ಮಾಲೀಕ ಸಂಜೀವ್ ಗೋಯೆಂಕಾ, ನಾಯಕ ರಿಷಭ್ ಪಂತ್ ಮತ್ತು ಕೋಚ್ ಜಸ್ಟಿನ್ ಲ್ಯಾಂಗರ್ ನಡುವಿನ ಸಂಭಾಷಣೆಯ ಕುರಿತು ವ್ಯಾಪಕ ಊಹಾಪೋಹಗಳು ಕೇಳಿಬಂದ ಹಿನ್ನೆಲೆಯಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ (LSG) ಗುರುವಾರ ಸ್ಪಷ್ಟೀಕರಣದ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದೆ.
'ನೀವು ನೋಡುವ ಎಲ್ಲವೂ ನಿಜವಾದ ಕಥೆಯಲ್ಲ. ಕ್ಯಾಮೆರಾಗಳು ಆಫ್ ಆಗಿರುವಾಗ ಅಥವಾ ಗಮನ ಕೇಂದ್ರೀಕರಿಸದಿದ್ದಾಗ ಫಿಲ್ಟರ್ ಮಾಡದ ಪಂದ್ಯದ ನಂತರದ ವೈಬ್ಗಳು ಇಲ್ಲಿವೆ' ಎಂದು ಎಲ್ಎಸ್ಜಿ ಎಕ್ಸ್ನಲ್ಲಿ ಪೋಸ್ಟ್ ಮಾಡಿದೆ. ಇದಕ್ಕೂ ಮೊದಲು, ಗೋಯೆಂಕಾ ಮೈದಾನದಲ್ಲಿ ಪಂತ್ ಅವರೊಂದಿಗೆ ಚರ್ಚೆಯಲ್ಲಿ ತೊಡಗಿರುವ ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದವು. ಈ ವೇಳೆ ಕೋಚ್ ಲ್ಯಾಂಗರ್ ಕೂಡ ಸ್ಥಳದಲ್ಲಿಯೇ ಇದ್ದರು.
LSG ಪೋಸ್ಟ್ ಮಾಡಿದ ವಿಡಿಯೋದಲ್ಲಿ, ಗೋಯೆಂಕಾ ಮತ್ತು ಪಂತ್ ನಗುತ್ತಿರುವುದನ್ನು ಕಾಣಬಹುದು. 2024 ರಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಎಲ್ಎಸ್ಜಿ ಸೋತ ನಂತರ ಗೋಯೆಂಕಾ ಮತ್ತು ಫ್ರಾಂಚೈಸಿಯ ಮಾಜಿ ನಾಯಕ ಕೆಎಲ್ ರಾಹುಲ್ ನಡುವೆ ಮೈದಾನದಲ್ಲಿಯೇ ವಾಗ್ವಾದ ನಡೆದಿತ್ತು. ಇದೀಗ ಅದೇ ರೀತಿ ಪಂತ್ ಅವರೊಂದಿಗೂ ನಡೆದಿದೆ ಎಂದು ವರದಿಯಾಗಿದೆ. LSG ತಂಡಕ್ಕೆ ಸಂಕಷ್ಟ?: ಡೆಲ್ಲಿ ವಿರುದ್ಧ ಸೋಲಿನ ನಂತರ ರಿಷಭ್ ಪಂತ್, ಸಂಜೀವ್ ಗೋಯೆಂಕಾ ನಡುವೆ ತೀವ್ರ ಚರ್ಚೆ
LSG ಹಂಚಿಕೊಂಡ ವಿಡಿಯೋವನ್ನು ನಂತರದ ಸಮಯದಲ್ಲಿ ಚಿತ್ರೀಕರಿಸಲಾಗಿದೆ ಎಂದು ಕೆಲವು ಅಭಿಮಾನಿಗಳು ಹೇಳಿಕೊಂಡರೆ, ಒಬ್ಬ ಅಭಿಮಾನಿ ಅದು ಹೇಗೆ ಸಾಧ್ಯವಿಲ್ಲ ಎಂದು ಗಮನಸೆಳೆದರು. ಏಕೆಂದರೆ, ಈ ವಿಡಿಯೋ ಚಿತ್ರೀಕರಣದ ವೇಳೆಯಲ್ಲಿ ಕ್ರೀಡಾಂಗಣದೊಳಗಿನ ದೈತ್ಯ ಪರದೆ ಮೇಲೆ ಪಂದ್ಯದ ನಂತರದ ಪ್ರಸ್ತುತಿ ಕಾರ್ಯಕ್ರಮವನ್ನು ತೋರಿಸಲಾಗುತ್ತಿದೆ.
ವಿವಾದದ ನಂತರ ತೆಗೆದ ವಿಡಿಯೋಗಳನ್ನು ಪೋಸ್ಟ್ ಮಾಡುವ ಮೂಲಕ ಗೋಯೆಂಕಾ ತಮ್ಮ ಪಾಪಗಳನ್ನು ತೊಳೆಯಲು ಪ್ರಯತ್ನಿಸುತ್ತಿದ್ದಾರೆ. ಜಗಳ ನಡೆದಾಗ ಜನಸಂದಣಿ ಇತ್ತು. ಈ ವಿಡಿಯೋದಲ್ಲಿ ಜನಸಂದಣಿ ಇಲ್ಲ. ಅಂದರೆ ಅಕ್ಟೋಬರ್ 2ರ ದೃಶ್ಯದಂತೆ ದೃಶ್ಯವನ್ನು ಮರುಸೃಷ್ಟಿಸಲು ರಿಷಬ್ ಪಂತ್ ಅವರನ್ನು ಮತ್ತೆ ಕರೆಸಲಾಯಿತು ಎಂದು ಬಹುತೇಕ ಬಳಕೆದಾರರು ಹೇಳಿದ್ದಾರೆ.
Advertisement
