ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಆರಂಭಿಕ ಆಟಗಾರ ಶಿಖರ್ ಧವನ್ ಮತ್ತು ಸೋಫಿ ಶೈನ್ ವಿವಾಹ ಬಂಧನಕ್ಕೆ ಒಳಗಾಗಿದ್ದಾರೆ. ಧವನ್ ಮತ್ತು ಸೋಫಿ ಅವರ ವಿವಾಹದ ಬಗ್ಗೆ ಹಲವಾರು ದಿನಗಳಿಂದ ಸಾಮಾಜಿಕ ಮಾಧ್ಯಮಗಳಲ್ಲಿ ಚರ್ಚೆಗಳು ನಡೆಯುತ್ತಿದ್ದವು. ಈಗ ಇಬ್ಬರೂ ವಿವಾಹ ಬಂಧನಕ್ಕೆ ಒಳಗಾಗಿದ್ದು ಮದುವೆ ಫೋಟೋಗಳು ಹೊರಬಂದಿವೆ. 40ನೇ ವಯಸ್ಸಿನಲ್ಲಿ ಶಿಖರ್ ಧವನ್ ಎರಡನೇ ಬಾರಿಗೆ ಮದುವೆಯಾಗಿದ್ದು ಅವರ ಅಭಿಮಾನಿಗಳಿಗೆ ಹೊಸ ಸಂತೋಷದ ಕ್ಷಣವನ್ನು ತಂದಿದೆ.
ಶಿಖರ್ ಮತ್ತು ಐರಿಶ್ ಮೂಲದ ಸೋಫಿ ದುಬೈನಲ್ಲಿ ಭೇಟಿಯಾದರು. ಅವರ ಸ್ನೇಹ ಕ್ರಮೇಣ ಪ್ರೀತಿಯಾಗಿ ಅರಳಿತು. ಕಳೆದ ವರ್ಷದಿಂದ ಅವರು ಸಂಬಂಧದಲ್ಲಿದ್ದಾರೆ. 2025ರ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯ ಸಮಯದಲ್ಲಿ ಅವರು ಒಟ್ಟಿಗೆ ಕಾಣಿಸಿಕೊಂಡ ನಂತರ ಅವರ ಸಂಬಂಧವು ಸುದ್ದಿಯಾಯಿತು. ಇದು ಧವನ್ ಅವರ ಎರಡನೇ ಮದುವೆ. ಆಯೇಷಾ ಮುಖರ್ಜಿ ಅವರನ್ನು ಮೊದಲು ವಿವಾಹವಾಗಿದ್ದರು. ಆದರೆ ಅವರ ಸಂಬಂಧ ಹೆಚ್ಚು ಕಾಲ ಉಳಿಯಲಿಲ್ಲ. ವಿಚ್ಛೇದನ ಪಡೆದ ದೂರವಾಗಿದ್ದರು. ವಿಚ್ಛೇದನದ ನಂತರ, ಧವನ್ ತಮ್ಮ ಮಗ ಜೊರಾವರ್ ತಮ್ಮ ಜೀವನದ ಪ್ರಮುಖ ಭಾಗ ಮತ್ತು ಅವರನ್ನು ಬೆಳೆಸುವುದು ತಮ್ಮ ಆದ್ಯತೆ ಎಂದು ಪದೇ ಪದೇ ಹೇಳುತ್ತಿದ್ದರು. ಸೋಫಿ ಶೈನ್ ಅವರೊಂದಿಗಿನ ಧವನ್ ಅವರ ಸಂಬಂಧವು ಕೆಲವು ಸಮಯದಿಂದ ಸುದ್ದಿಯಲ್ಲಿತ್ತು. ಇಬ್ಬರೂ ಹಲವಾರು ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಮತ್ತು ಈಗ ಮದುವೆಯ ಫೋಟೋಗಳು ಈ ಊಹಾಪೋಹಗಳನ್ನು ದೃಢಪಡಿಸಿವೆ. ಈ ಹೊಸ ಅಧ್ಯಾಯದ ಆರಂಭದಲ್ಲಿ ಸಹ ಕ್ರಿಕೆಟ್ ಆಟಗಾರರು ಮತ್ತು ಅಭಿಮಾನಿಗಳು ಅವರಿಗೆ ಶುಭ ಹಾರೈಸುತ್ತಿದ್ದಾರೆ.
ಕ್ರಿಕೆಟಿಗ ಯುಜ್ವೇಂದ್ರ ಚಾಹಲ್ ದೆಹಲಿ-ಎನ್ಸಿಆರ್ನಲ್ಲಿ ನಡೆದ ಕಾರ್ಯಕ್ರಮದ ನೃತ್ಯ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಚಾಹಲ್ "ಇದು ನನ್ನ ಸ್ನೇಹಿತನ ಮದುವೆ! ಎಂದು ಬರೆದಿದ್ದಾರೆ. ಫೋಟೋಗಳಲ್ಲಿ, ಶಿಖರ್ ಸಾಂಪ್ರದಾಯಿಕ ಶೇರ್ವಾನಿಯಲ್ಲಿ ಕಂಗೊಳಿಸಿದ್ದಾರೆ. ಸೋಫಿ ಸುಂದರವಾದ ಲೆಹೆಂಗಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಕುಟುಂಬ ಮತ್ತು ಆಯ್ದ ಸ್ನೇಹಿತರು ತಮ್ಮ ಆಶೀರ್ವಾದ ಮಾಡಿದರು. ಶಿಖರ್ ಅವರ ಮೊದಲ ಪತ್ನಿಯ ಮಗ ಜೊರಾವರ್ ಕೂಡ ಮಗುವೆಗೆ ಬಂದಿದ್ದರು.
ಶಿಖರ್ ಧವನ್ ಭಾರತೀಯ ಕ್ರಿಕೆಟ್ ತಂಡಕ್ಕಾಗಿ ಅನೇಕ ಸ್ಮರಣೀಯ ಇನ್ನಿಂಗ್ಸ್ಗಳನ್ನು ಆಡಿದ್ದಾರೆ. ಅವರ ಆಕ್ರಮಣಕಾರಿ ಬ್ಯಾಟಿಂಗ್ ಮತ್ತು ಪ್ರಮುಖ ಪಂದ್ಯಾವಳಿಗಳಲ್ಲಿ ಅವರ ಪ್ರಭಾವಶಾಲಿ ಪ್ರದರ್ಶನಗಳು ಅವರಿಗೆ 'ಗಬ್ಬರ್' ಎಂಬ ಬಿರುದನ್ನು ತಂದುಕೊಟ್ಟವು. ಅವರು ಸ್ವಲ್ಪ ಸಮಯದಿಂದ ಟೀಮ್ ಇಂಡಿಯಾದಿಂದ ಹೊರಗಿದ್ದರೂ, ಅವರ ಜನಪ್ರಿಯತೆ ಮತ್ತು ಅಭಿಮಾನಿಗಳ ಅನುಯಾಯಿಗಳು ಹಾಗೆಯೇ ಉಳಿದಿದ್ದಾರೆ.
Advertisement
