ಬರಲಿದೆ ರೋಡ್ ಮ್ಯಾಪ್

ಬೆಂಗಳೂರು: ಮಹಾನಗರದ ಟ್ರಾಫಿಕ್‍ಜಾಮ್ ತಡೆಗೆ ರೋಡ್‍ಮ್ಯಾಪ್ ಸಿದ್ಧಪಡಿಸಲು ಗೃಹ ಇಲಾಖೆ ಮುಂದಾಗಿದೆ. ಅಷ್ಟೇ ಅಲ್ಲ. ಇನ್ನುಮುಂದೆ ಸಂಚಾರ ದಟ್ಟಣೆ ತಗ್ಗಿಸಲು ಬೆಳಗ್ಗೆ ಮತ್ತು ಸಂಜೆ ಹಿರಿಯ ಅಧಿಕಾರಿಗಳೂ ರಸ್ತೆಗಿಳಿದು (ಪಿsಲ್ಡ್ ವರ್ಕ್) ಸಂಚಾರ ಸಮಸ್ಯೆ ಸುಧಾರಿಸುವುದು ಕಡ್ಡಾಯ. ಈ ಬಗ್ಗೆ ಗೃಹ ಸಚಿವ ಡಾ.ಜಿ.ಪರಮೇಶ್ವರ್ ಇಲಾಖೆಯ ಹಿರಿಯ  ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಈ ಹೊಸ ವ್ಯವಸ್ಥೆ ಸದ್ಯದಲ್ಲೇ ಜಾರಿಗೂ ಬರಲಿದೆ.

ಶುಕ್ರವಾರ ವಿಕಾಸಸೌಧದಲ್ಲಿ ತಮಗೆ ನಿಗದಿ ಮಾಡಿರುವ ನೂತನ ಕಚೇರಿ ಪೂಜೆ ನೆರವೇರಿಸಿದ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ``ಬೆಂಗಳೂರಿನ ಸಂಚಾರ ಸಮಸ್ಯೆ  ಪರಿಹರಿಸುವ ನಿಟ್ಟಿನಲ್ಲಿ ಸೂಕ್ತ ರೋಡ್ ಮ್ಯಾಪ್ ತಯಾರಿ ಸುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದೇನೆ.

ಸುಮಾರು 60 ಲಕ್ಷಕ್ಕೂ ಹೆಚ್ಚು ವಾನಹಗಳು ಸಂಚರಿಸುವ ಬೆಂಗಳೂರಿನಲ್ಲಿ ರಸ್ತೆ ಸಂಚಾರ ನಿಯಂತ್ರಿಸುವುದು ಸುಲಭದ ಮಾತಲ್ಲ. ಆದ್ದರಿಂದ ಇನ್ನು ಮುಂದೆ ವಾಹನಗಳು ಗೊಂದಲದಲ್ಲಿ  ಸಂಚರಿಸಿ ಸಮಸ್ಯೆ ಆಗದಂತೆ ಮಾಡಲು ಲೈನ್ ಡಿಸಿಪ್ಲೈನ್ (ಪಥ ಶಿಸ್ತು) ವ್ಯವಸ್ಥೆಯನ್ನು ಡಿಸೆಂಬರ್ ಒಂದರಿಂದ ಜಾರಿಗೊಳಿಸಲಾಗುವುದು. ಈ ಬಗ್ಗೆ ಅಗತ್ಯ ಕ್ರಮಗಳ ಬಗ್ಗೆ ಚರ್ಚಿಸಲು  ಸದ್ಯದಲ್ಲೇ ಅಧಿಕಾರಿಗಳ ಸಭೆ ನಡೆಸಲಾಗುವುದು ಎಂದರು.