ಜಿ ಗುಂಪಿನಲ್ಲಿ ಈಗಾಗಲೇ ಈ ಎರಡೂ ತಂಡಗಳು ನಾಕೌಟ್ ಹಂತಕ್ಕೆ ಲಗ್ಗೆ ಇಟ್ಟಿರುವುದರಿಂದ ನಿನ್ನೆ ನಡೆದ ಲೀಗ್ ಪಂದ್ಯ ಆಟಕ್ಕುಂಟು ಲೆಕ್ಕಕ್ಕಲಿದ ಪಂದ್ಯವಾಗಿತ್ತು. ಕೇವಲ ಗ್ರೂಪ್ ನಲ್ಲಿ ಅಗ್ರ ಸ್ಥಾನಕ್ಕಾಗಿ ಮಾತ್ರ ಈ ತಂಡಗಳು ಕಾದಾಡಿದ್ದವು. ಈ ಕಾದಾಟದಲ್ಲಿ ಬೆಲ್ಜಿಯಂ ಜಯ ಸಾಧಿಸಿದ್ದು, ಇಂಗ್ಲೆಂಡ್ ವಿರುದ್ಧ 1-0 ಅಂತರದ ಜಯ ಸಾಧಿಸಿದೆ. ಪಂದ್ಯದ 51ನೇ ನಿಮಿಷದಲ್ಲಿ ಬೆಲ್ಜಿಯಂನ ಸ್ಟ್ರೈಕರ್ ಅದ್ನಾನ್ ಜನುಝಾಜ್ ಭಾರಿಸಿದ ಏಕೈಕ ಗೋಲು ಬೆಲ್ಜಿಯಂ ತಂಡವನ್ನು ಜಯಶಾಲಿಯನ್ನಾಗಿಸಿತು.
