ಫೀಫಾ ವಿಶ್ವಕಪ್ ಟೂರ್ನಿಯಲ್ಲಿ ಈ ವರೆಗೂ ಆಗಿರುವ 48 ಪಂದ್ಯಗಳಲ್ಲಿ ಒಟ್ಟು 122 ಗೋಲುಗಳು ಬಂದಿದ್ದು, ಈ ಪೈಕಿ ಬರೊಬ್ಬರಿ 59 ಗೋಲುಗಳು ಇಂಗ್ಲೆಂಡ್ ಪ್ರೀಮಿಯರ್ ಲೀಗ್ ಮತ್ತು ಸ್ಪಾನಿಷ್ ಲೀಗ್ ಗಳ ಪ್ರಮುಖ ಆಟಗಾರರಿಂದ ಬಂದಿದ್ದಾಗಿದೆ ಎಂಬುದು ವಿಶೇಷ. ಇದಲ್ಲದೆ ವಿಶ್ವಕಪ್ ಟೂರ್ನಿಯಲ್ಲಿ 9 ಸ್ವಂತಗೋಲುಗಳು ದಾಖಲಾಗಿದ್ದು, ಇದೂ ಕೂಡ ವಿಶ್ವಕಪ್ ಟೂರ್ನಿಯ ನೂತನ ದಾಖಲೆಯಾಗಿದೆ. ಉಳಿದಂತೆ ಡೆನ್ಮಾರ್ಕ್ ಮತ್ತು ಫ್ರಾನ್ಸ್ ನಡುವಿನ ಏಕೈಕ ಪಂದ್ಯ ಮಾತ್ರ ಗೋಲುಗಳಿಲ್ಲದೇ ಡ್ರಾದಲ್ಲಿ ಅಂತ್ಯಗೊಂಡಿದೆ.