ತೊಗರಿ ಬೇಳೆಯನ್ನು ಬೇಯಿಸಿಟ್ಟುಕೊಂಡಿರಬೇಕು. ಮೊದಲಿಗೆ ದನಿಯಾ, ಎರಡು ಒಣಗಿದ ಮೆಣಸಿನ ಕಾಯಿ, ಕಾಳು ಮೆಣಸು, ಜೀರಿಗೆ, ಕಡಲೆಬೇಳೆಯನ್ನು ಸಣ್ಣ ಹುರಿಯಲ್ಲಿ ಹುರಿದುಕೊಂಡು ನಂತರ, ತುರಿದ ತೆಂಗಿನ ತುರಿಯನ್ನು ಸೇರಿಸಿ ಕೆಂಪಗೆ ಹುರಿದುಕೊಳ್ಳಬೇಕು.
ನೀರಿನ ಅಂಶವೆಲ್ಲಾ ಹೋದ ಮೇಲೆ ಮಿಕ್ಸಿ ಜಾರ್ಗೆ ಹಾಕಿಕೊಂಡು ಪುಡಿ ಮಾಡಿಕೊಳ್ಳಬೇಕು.
ಒಲೆಯ ಮೇಲೆ ಬಾಣಲೆಯಿಟ್ಟು ಕಾದ ನಂತರ ಟೊಮೆಟೋ ರಸ ಹಾಗೂ ಹುಣಸೆಹಣ್ಣಿನ ರಸವನ್ನು ಹಾಕಿ ಚೆನ್ನಾಗಿ ಬೇಯಿಸಿಕೊಳ್ಳಬೇಕು.
ಇದಕ್ಕೆ ಈ ಮೊದಲೇ ಬೇಯಿಸಿಟ್ಟುಕೊಂಡ ತೊಗರಿಬೇಳೆ, ತಯಾರು ಮಾಡಿಕೊಂಡ ಪೌಡರ್ ಸೇರಿಸಿ, ರುಚಿಗೆ ತಕ್ಕಷ್ಟು ಉಪ್ಪು, ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಹಾಕಿ ಕುದಿಸಿದರೆ, ಮೈಸೂರು ಸಾರು ಸವಿಯಲು ಸಿದ್ಧ.