ಸಬ್ಬಕ್ಕಿಯನ್ನು ಚೆನ್ನಾಗಿ ತೊಳೆದು 4 ಗಂಟೆಗಳ ಕಾಲ ನೆನೆಯಲು ಬಿಡಬೇಕು.
ಒಲೆಯ ಮೇಲೆ ಪಾತ್ರೆಯನ್ನು ಇಟ್ಟು, ಅದಕ್ಕೆ ಸಬ್ಬಕ್ಕಿ, ನಾಲ್ಕು ಬಟ್ಟಲು ನೀರು, ಹಸಿ ಮೆಣಸಿನ ಕಾಯಿ ಪೇಸ್ಟ್, ಉಪ್ಪು ಹಾಕಿ 10 ನಿಮಿಷ ಬೇಯಿಸಬೇಕು. ಆಗಾಗ ಕೈಯಾಡಿಸುತ್ತಿರಬೇಕು.
ಮತ್ತೆ 10 ನಿಮಿಷ ಬೇಯಿಸಿ, ಉರಿಯನ್ನು ಆರಿಸಿ ಅದಕ್ಕೆ ಇಂಗು, ಜೀರಿಗೆ, ನಿಂಬೆ ಹಣ್ಣಿನ ರಸವನ್ನು ಹಾಕಿ 10 ನಿಮಿಷ ತಣ್ಣಗಾಗಲು ಬಿಡಬೇಕು.
ಈ ಮಿಶ್ರಣ ಗಟ್ಟಿಗಾದ ಬಳಿಕ ಒಂದು ಪ್ಲೇಟ್ ಮೇಲೆ ಕಾಟನ್ ಬಟ್ಟೆಯನ್ನು ಹಾಕಿ, ಒಂದೊಂದೇ ಚಮಚದಷ್ಟು ಹಿಟ್ಟನ್ನು ವೃತ್ತಾಕಾರಕ್ಕೆ ಹಾಕಿ. ಬಿಸಿಲಿನಲ್ಲಿ 2 ದಿನ ಒಣಗಿಸಿ, ಡಬ್ಬಿಗೆ ಹಾಕಿಟ್ಟು, ಬೇಕೆನಿಸಿದಾಗ ಕಾದ ಎಣ್ಣೆಗೆ ಹಾಕಿ ಕರಿದರೆ ರುಚಿಕರವಾದ ಸಬ್ಬಕ್ಕಿ ಸಂಡಿಗೆ ಸವಿಯಲು ಸಿದ್ಧ.
