ಸ್ಟ್ರಾಬೆರ್ರಿ ಹಣ್ಣುಗಳನ್ನು ತೊಳೆದು ಸಣ್ಣಗೆ ಹೆಚ್ಚಿಟ್ಟುಕೊಳ್ಳಬೇಕು.
ಒಲೆಯ ಮೇಲೆ ಬಾಣಲೆಯಿದ್ದು ಕಾದ ನಂತರ ಸ್ಟ್ರಾಬೆರ್ರಿಗಳನ್ನು ಹಾಕಿ, ಸಕ್ಕರೆಯನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
ನಂತರ ಸಕ್ಕರೆ ಕರಗುವವರೆಗೂ ಕೈಯಾಡಿಸಿ, ನಿಂಬೆ ಹಣ್ಣಿನ ರಸವನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬೇಕು.
ಹೀಗೆ ಐದು ನಿಮಿಷಗಳ ಕಾಲ ಕೈಯಾಡಿಸಿದ ಬಳಿಕ, ಸಕ್ಕರೆಯಲ್ಲಿ ಬೆಂದ ಸ್ಟ್ರಾಬೆರ್ರಿಗಳನ್ನು ಚಮಚದಲ್ಲಿಯೇ ಚೆನ್ನಾಗಿ ಪೇಸ್ಟ್ ಮಾಡಿ, 10 ನಿಮಿಷಗಳ ಕಾಲ ಕೈಯಾಡಿಸುತ್ತಾ ಒಲೆಯ ಮೇಲೆಯೇ ಬಿಡಬೇಕು.
ತಣ್ಣಗಾದ ಬಳಿಕ ಗಾಜಿನ ಬಾಟಲಿಯಲ್ಲಿ ಹಾಕಿಟ್ಟುಕೊಂಡರೆ, ರುಚಿಕರವಾದ ಸ್ಟ್ರಾಬೆರ್ರಿ ಜಾಮ್ ಸವಿಯಲು ಸಿದ್ಧ.
