ಮೊದಲು ಒಲೆಯ ಮೇಲೇ ಬಾಣಲೆ ಇಟ್ಟು ಅದಕ್ಕೆ 2 ಬಟ್ಟಲಿನಷ್ಟು ನೀರು, ಜೀರಿಗೆ, 1 ಚಮಚ ಎಣ್ಣೆ, ಹುರಿದಿಟ್ಟುಕೊಂಡ ರವೆ, ಉಪ್ಪು ಹಾಕಿ ಚೆನ್ನಾಗಿ ಕುದಿಸಬೇಕು. ಇದು ಉಪ್ಪಿಟ್ಟಿನ ಹಾಗೆ ಗಟ್ಟಿಯಾದ ಬಳಿಕ ಒಲೆಯ ಮೇಲಿಂದ ಇಳಿಸಬೇಕು.
ನಂತರ ಒಂದು ಪಾತ್ರೆ ತೆಗೆದುಕೊಂಡು ಅದಕ್ಕೆ ಬೇಯಿಸಿದ ಆಲೂಗಡ್ಡೆಯನ್ನು ನುಣ್ಣಗೆ ಮಾಡಿಕೊಂಡು ಈ ಹಿಂದೆ ಮಾಡಿಕೊಂಡ ಹಿಟ್ಟನ್ನು ಇದಕ್ಕೆ ಹಾಕಿ, ಅಚ್ಚ ಖಾರದ ಪುಡಿ, ಕಾಳು ಮೆಣಸಿನ ಪುಡಿ, ಗರಂ ಮಸಾಲೆ ಪುಡಿ, ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ನಂತರ 1 ಚಮಚ ಎಣ್ಣೆ ಹಾಕಿ ಹಿಟ್ಟನ್ನು ಮತ್ತೆ ಮಿಶ್ರಣ ಮಾಡಿಕೊಳ್ಳಬೇಕು.
ನಂತರ ಸಣ್ಣ ಉಂಡೆಗಳನ್ನಾಗಿ ಮಾಡಿಕೊಂಡು ಅದರ ಮೇಲೆ ಕಪ್ಪು ಎಳ್ಳನ್ನು ಸ್ವಲ್ಪ ಉದುರಿಸಿಟ್ಟುಕೊಳ್ಳಬೇಕು.
ಬಾಣಲೆಗೆ ಎಣ್ಣೆ ಹಾಕಿ, ಚೆನ್ನಾಗಿ ಕಾದ ಬಳಿಕ ಈ ಉಂಡೆಗಳನ್ನು ಹಾಕಿ ಕೆಂಪಗೆ ಕರಿದರೆ ರುಚಿಕರವಾದ ಹಾಗೂ ನಿಮಿಷಗಳಲ್ಲಿ ಮಾಡಬಹುದಾದ ಆಲೂ ಬಟನ್ಸ್ ಸವಿಯಲು ಸಿದ್ಧ.
