ಪ್ರತಿನಿತ್ಯ ಆರೋಗ್ಯಕರವಾದ ಆಹಾರವನ್ನು ಸೇವಿಸಿ. ಕಾರ್ಬೋಹೈಡ್ರೋಟ್ಸ್ ಇರುವಂತಹ ಗೋಧಿ, ಪಾಸ್ತ ಮತ್ತು ಬ್ರೌನ್ ರೈಸ್ ಬಳಕೆ ಮಾಡಿ. ಇವುಗಳ ಸೇವನೆಯಿಂದ ನಿಮ್ಮ ಶಕ್ತಿ ದಿನಪೂರ್ತಿ ಕುಗ್ಗದಂತೆ ನೋಡಿಕೊಳ್ಳುತ್ತದೆ. ಬೆಣ್ಣೆ, ರೆಡಿ ಟು ಈಟ್ ಆಹಾರಗಳು, ಕೊಬ್ಬಿನ ಅಂಶವಿರುವ ಆಹಾರಗಳನ್ನು ಸಾಧ್ಯವಾದಷ್ಟು ನಿಯಂತ್ರಿಸಿ. ಕೋಳಿ ಮಾಂಸ, ಮೀನು, ಮೊಟ್ಟೆ, ಕಾಳುಗಳನ್ನು ಹೆಚ್ಚಾಗಿ ಸೇವಿಸಿ. ಅದರ ಜೊತೆಗೆ ಹಣ್ಣುಗಳು, ತರಕಾರಿಗಳನ್ನು ಹೆಚ್ಚಾಗಿ ಸೇವನೆ ಮಾಡಿ. ಇವುಗಳು ನಿಮ್ಮ ದೇಹದಲ್ಲಿರುವ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ. ಅಲ್ಲದೆ, ಪ್ರಸವಪೂರ್ವ ಮಲಬದ್ಧತೆಯನ್ನೂ ನಿಯಂತ್ರಿಸಲು ಸಹಾಯ ಮಾಡುತ್ತದೆ.