ಹಿಂದೆಲ್ಲಾ ಮುಂಬೈ ನಗರಿ ಮಾದಕ ವಸ್ತುಗಳ ಕಳ್ಳ ಸಾಗಾಟಕ್ಕೆ ಬಹು ಮುಖ್ಯ ತಾಣವಾಗಿತ್ತು, ಆದರೆ ಇತ್ತೀಚೆಗೆ ಅಲ್ಲಿ ಭಯೋತ್ಪಾದಕರ ದಾಳಿಯ ಬೆದರಿಕೆ, ಅಸುರಕ್ಷತೆಯಿರುವುದರಿಂದಾಗಿ ಕರ್ನಾಟಕ ಅದರಲ್ಲೂ ಬೆಂಗಳೂರು ಮೂಲಕ ವಿದೇಶಗಳಿಗೆ ಕಳುಹಿಸುವುದು ಸುಲಭ ಎಂದು ಕಂಡುಕೊಂಡಿದ್ದಾರೆ. ಇಲ್ಲಿಂದ ಮಾದಕ ವಸ್ತುಗಳು ಹಡಗು, ವಿಮಾನಗಳ ಮೂಲಕ ಕರಾವಳಿ ಭಾಗವಾಗಿ ಗೋವಾ ಮತ್ತು ವಿದೇಶಗಳಿಗೆ ಕಳುಹಿಸುವುದು ಸುಲಭ. ಕೇವಲ ಕರ್ನಾಟಕ ಮಾತ್ರವಲ್ಲದೆ ಬೇರೆ ದೇಶಗಳಲ್ಲಿಯೂ ಮಾದಕ ವಸ್ತುಗಳ ಕಳ್ಳ ಸಾಗಣೆ ಜಾಲ ಹರಡಿರಬೇಕು ಅನಿಸುತ್ತದೆ ಎನ್ನುತ್ತಾರೆ ಮಾದಕ ವಸ್ತು ನಿಯಂತ್ರಣ ದಳದ ಅಧಿಕಾರಿಗಳು. ಅಧಿಕಾರಿಗಳು ಈ ಬಗ್ಗೆ ಇನ್ನಷ್ಟು ತನಿಖೆ ನಡೆಸುತ್ತಿದ್ದಾರೆ.
