ಬೆಂಗಳೂರು: ಜಿಟಿ ಮಾಲ್​ನ ಲಿಫ್ಟ್ ಒಳಗೆ ಸಿಲುಕಿ ವ್ಯಕ್ತಿ ಸಾವು

ಬೆಂಗಳೂರು: ಬೆಂಗಳೂರಿನ ಮಾಗಡಿ ರಸ್ತೆಯ ಟೋಲ್ ಗೇಟ್ ಬಳಿ ಇರುವ ಜಿಟಿ ವರ್ಲ್ಡ್ ಮಾಲ್​ನಲ್ಲಿ ಲಿಫ್ಟ್​ಒಳಗೆ ಸಿಲುಕಿ ವ್ಯಕ್ತಿಯೊಬ್ಬರು ಮೃತಪಟ್ಟಿರುವ ದಾರುಣ ಘಟನೆ ಶುಕ್ರವಾರ ನಡೆದಿದೆ.

ಲಿಫ್ಟ್ ಒಳಗೆ ಸಿಲುಕಿ ಮೃತಪಟ್ಟ ವ್ಯಕ್ತಿಯನ್ನು ಶ್ರೀನಿವಾಸ್​(40) ಎಂದು ಗುರುತಿಸಲಾಗಿದೆ. ಇಂದು ಬೆಳಗ್ಗೆ 9.30ರ ಸುಮಾರಿಗೆ ಈ ಘಟನೆ ನಡೆದಿದ್ದು, ಮಾಲ್​ನಲ್ಲಿರುವ ಬಿಗ್​ ಬಜಾರ್​ನಲ್ಲಿ ಮೆಟೀರಿಯಲ್​ ಅನ್​ಲೋಡ್​ ಮಾಡುವ ಕೆಲಸ ಮಾಡುತ್ತಿದ್ದ ಶ್ರೀನಿವಾಸ್​ಅವರು ಲಿಫ್ಟ್ ನಲ್ಲಿದ್ದಾಗ ಮಾರ್ಗಮಧ್ಯೆ ಕೆಟ್ಟು ನಿಂತಿದೆ. ಲಿಫ್ಟ್​ ದುರಸ್ತಿ ಕಾರ್ಯ ಶೀಘ್ರವೇ ನಡೆಯದ ಕಾರಣ ಶ್ರೀನಿವಾಸ್​ ಅವರು ಉಸಿರಾಟದ ತೊಂದರೆಯಿಂದ ಮೃತಪಟ್ಟಿದ್ದಾರೆ. ಎನ್ನಲಾಗಿದೆ.

ಸ್ಥಳಕ್ಕೆ ಕೆಪಿ ಅಗ್ರಹಾರ ಪೊಲೀಸರು ಭೇಟಿ ನೀಡಿದ್ದು, ಬಿಗ್​ ಬಜಾರ್​ ಸಿಬ್ಬಂದಿಯಿಂದ ಮಾಹಿತಿ ಕಲೆ ಹಾಕುತ್ತಿದ್ದಾರೆ.