ಸಿ-ಫೋರ್ ಸಮೀಕ್ಷೆಯ ಟಾಪ್-10 ನಲ್ಲಿ ಬೆಂಗಳೂರಿನ ಶಾಲೆಗಳಿಗೆ ಸ್ಥಾನ

ಬೆಂಗಳೂರು: ಸಿ-ಫೋರ್ ಸಂಸ್ಥೆ ಇತ್ತೀಚೆಗೆ ನಡೆಸಿದ ಸಮೀಕ್ಷೆಯಲ್ಲಿ ವಾರ್ಷಿಕ ಶಿಕ್ಷಣ ವಿಶ್ವ ರ್ಯಾಂಕಿಂಗ್ 2017ರ ಟಾಪ್ 10 ಪಟ್ಟಿಯಲ್ಲಿ ಬೆಂಗಳೂರು ನಗರದ ಶಾಲೆಗಳು ಕೂಡ ಇವೆ.

ಡೇ ಮತ್ತು ಬೋರ್ಡಿಂಗ್ ಶಾಲೆಗಳ ವಿಭಾಗದಲ್ಲಿ ಬೆಂಗಳೂರಿನ ಗ್ರೀನ್ ವುಡ್ ಹೈ  ಶಾಲೆ  ಮೊದಲ ಸ್ಥಾನದಲ್ಲಿದ್ದು ನಂತರ ಎಬ್ನೆಝರ್ ಇಂಟರ್ ನ್ಯಾಷನಲ್ ಶಾಲೆ 8ನೇ ಸ್ಥಾನದಲ್ಲಿದೆ.

ಕೋ ಎಡ್ ಶಾಲಾ ವಿಭಾಗದಲ್ಲಿ ದ ವ್ಯಾಲಿ ಸ್ಕೂಲ್ ಎರಡನೇ ಸ್ಥಾನದಲ್ಲಿ, ಮಲ್ಯ ಅದಿತಿ ಇಂಟರ್ ನ್ಯಾಷನಲ್ ಶಾಲೆ ಮೂರನೇ ಸ್ಥಾನ ಮತ್ತು ಇನ್ವೆಂಚರ್ ಅಕಾಡೆಮಿ 9ನೇ ಸ್ಥಾನ ಗಳಿಸಿದೆ. ಬಾಲಕರ ಶಾಲೆ ವಿಭಾಗದಲ್ಲಿ ಬಿಶಪ್ ಕಾಟನ್ ಬಾಯ್ಸ್ ಶಾಲೆಗೆ 6ನೇ ಸ್ಥಾನ ಮತ್ತು ಸೈಂಟ್ ಜೋಸೆಫ್ ಬಾಯ್ಸ್ ಶಾಲೆ 7ನೇ ಸ್ಥಾನ ಹೊಂದಿದೆ.

ಬಾಲಕರ ಬೋರ್ಡಿಂಗ್ ಶಾಲೆ ವಿಭಾಗದಲ್ಲಿ  ಸರಳಾ ಬಿರ್ಲಾ ಅಕಾಡೆಮಿ 5ನೇ ಸ್ಥಾನ ಮತ್ತು ರಾಷ್ಟ್ರೀಯ ಮಿಲಿಟರಿ ಶಾಲೆಗೆ 9ನೇ ಸ್ಥಾನವಿದೆ. ಸರ್ಕಾರಿ ಶಾಲೆ ವಿಭಾಗದಲ್ಲಿ ಇಸ್ರೊದಲ್ಲಿರುವ ಕೇಂದ್ರೀಯ ವಿದ್ಯಾಲಯಕ್ಕೆ 10ನೇ ಸ್ಥಾನ ಸಿಕ್ಕಿದೆ. ವಿಶೇಷಚೇತನ ಮಕ್ಕಳ 6 ಶಾಲೆಗಳು ಟಾಪ್ 20 ಶಾಲೆಗಳಲ್ಲಿ ರ್ಯಾಂಕ್ ಪಡೆದಿವೆ. 

ನಗರದ ಕೆಲವು ಪ್ರತಿಷ್ಟಿತ ಶಾಲೆಗಳು ಟಾಪ್ 25ರಲ್ಲಿ ಸ್ಥಾನ ಪಡೆದಿವೆ. 14 ಮಾನದಂಡಗಳನ್ನಿಟ್ಟುಕೊಂಡು ದೇಶಾದ್ಯಂತ ಸುಮಾರು 1,000 ಶಾಲೆಗಳನ್ನು ಸಮೀಕ್ಷೆಗೊಳಪಡಿಸಲಾಗಿಯಿತು.