ಈ ವೇಳೆ ಪ್ರತಿಕ್ರಿಯೆ ನೀಡಿದ ಬಿಬಿಎಂಪಿ ಪರ ವಕೀಲ, ಆ ಫ್ಲೆಕ್ಸ್ ಗಳು ಬೈಲೇನ್ಸ್, ವಿದ್ಯುತ್ ಕಂಬಗಳು ಇತರೆಡೆಗಳಲ್ಲಿ ಹಾಕಿರುವ ಜಾಹೀರಾತುಗಳಾಗಿವೆ. ಅಲ್ಲಿ ಸಿಸಿಟಿವಿಗಳಾವುದೂ ಇಲ್ಲ. ಒಂದು ವೇಳೆ ಸಿಸಿಟಿವಿ ಕ್ಯಾಮೆರಾಗಳಿಲ್ಲದಿದ್ದರೆ, ಗಸ್ತು ತಿರುಗುವಪೇದೆಗಳು ಪರಿಶೀಲನೆ ನಡೆಸಬೇಕು. ಅವರು ಪರಿಶೀಲನೆ ನಡೆಸುತ್ತಿಲ್ಲವೇ? ಅಕ್ರಮ ಫ್ಲೆಕ್ಸ್'ಗಳು ಸಂಪೂರ್ಣವಾಗಿ ತೆರವುಗೊಳ್ಳುವವರೆಗೂ ನೀವು ವಿಶ್ರಾಂತಿ ಪಡೆಯುವಂತಿಲ್ಲ. ಈ ಬಗ್ಗೆ ನೀವು ಸಾಕಷ್ಟು ಗಂಭೀರವಾಗಿರಬೇಕು, ಪದೇ ಪದೇ ಫ್ಲೆಕ್ಸ್ ಹಾಕುವವರ ಮಾಹಿತಿ ಸಂಗ್ರಹಿಸಿ. ಅಂಥವರು ಮತ್ತೆ ಮತ್ತೆ ದಂಟ ಕಟ್ಟಿ ಪಾರಾಗಲು ಅವಕಾಶ ನೀಡಬಾರದು. ತಪ್ಪುಗಳನ್ನು ಪುನರಾವರ್ತಿಸುವವರ ಅಂಕಿ ಅಂಶಗಳನ್ನು ಸಂಗ್ರಹಿಸಲು ಸೂಕ್ತ ಕ್ರಮ ಕೈಗೊಳ್ಳಿ. ಅಗತ್ಯವಿದ್ದರೆ ಅದಕ್ಕೆ ಸಾಫ್ಟ್ ವೇರ್ ಸಿದ್ದಪಡಿಸಿ ಎಂದು ನಗರ ಪೊಲೀಸ್ ಆಯುಕ್ತರಿಗೆ ನ್ಯಾಯಾಲಯ ತಿಳಿಸಿದೆ.