ಸೀರೆಯಲ್ಲು ಆಡುತ್ತಿದ್ದ 13 ವರ್ಷದ ಬಾಲಕಿ, ಸೀರೆ ಸುತ್ತಿಕೊಂಡು ಉಸಿರುಕಟ್ಟಿದ ಪರಿಣಾಮ ಸಾವನ್ನಪ್ಪಿರುವ ಘಟನೆ ಬಳ್ಳಾರಿ ಜಿಲ್ಲೆಯ ಸಿರಗುಪ್ಪದಲ್ಲಿ ನಡೆದಿದೆ.
ರಾತ್ರಿ ಊಟಕ್ಕೂ ಮುನ್ನ ಆಡುತ್ತಿದ್ದ ಬಾಲಕಿ ಪರ್ವೀನ್ ಭಾನು ಶಾಂತಿನಿಕೇತನ ಶಾಲೆಯಲ್ಲಿ 7 ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದಳು. ಘಟನೆ ನಡೆದಾಗ ಮನೆಯಲ್ಲಿ ಯಾರೂ ಇರಲಿಲ್ಲ ಎಂದು ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಹೇಳಿದ್ದಾರೆ.
ಸೀರೆ ಹಿಡಿದು ತೂಗುತ್ತಿದ್ದ ಬಾಲಕಿ ಕುತ್ತಿಗೆಗೆ ಸೀರೆ ಬಿಗಿದುಕೊಂಡಿದೆ, ಅದನ್ನು ತಡೆಯಲು ಸಾಧ್ಯವಾಗದೇ ಬಾಲಕಿ ಸಾವನ್ನಪ್ಪಿದ್ದಾಳೆ ಎಂದು ಪೊಲೀಸರು ಹೇಳಿದ್ದಾರೆ.
