ಸೆಮಾ ಕನೆಕ್ಟ್ ಹಾಗೂ ಆರ್ ಆರ್ ಟಿ ಎಲೆಕ್ಟ್ರೊ ಪವರ್ ಕಂಪನಿಗಳು ಎರಡು ಕಡೆ ಅಳವಡಿಸಿರುವ ಯಂತ್ರಗಳು 15 ಕೆವಿ ಸಾಮರ್ಥ್ಯ ಹೊಂದಿದೆ. ಎಲೆಕ್ಟ್ರಿಕ್ ಕಾರು ನಿರಂತರ 1 ಗಂಟೆ 20 ನಿಮಿಷ ಚಾರ್ಜ್ ಮಾಡಿದರೆ 125 ಕಿಮೀ ಕ್ರಮಿಸಬಹುದು. ಈ ರೀತಿ ನಿತ್ಯ 20 ಕಾರು ಚಾರ್ಚ್ ಮಾಡಬಹುದು. ಎಲೆಕ್ಟ್ರಿಕ್ ವಾಹನವಿರುವವರು ಮನೆಯಲ್ಲಿ ಚಾರ್ಚ್ ಮಾಡಿದರೆ ಪ್ರತಿ ಯೂನಿಟ್ ಗೆ 6 ರಿಂದ 7 ರೂಪಾಯಿ ಭರಿಸಬೇಕಾಗುತ್ತದೆ. ಆದರೆ ಈ ಕೇಂದ್ರದಲ್ಲಿ ಬೆಳಗ್ಗೆ 6 ರಿದಂ ರಾತ್ರಿ 10ರವರೆಗೆ ಚಾರ್ಚ್ ಮಾಡಿಕೊಂಡರೆ ಪ್ರತಿ ಯೂನಿಟ್ ಗೆ 4.85 ರೂ. ಹಾಗೂ ರಾತ್ರಿ 10 ರಿಂದ ಬೆಳಗ್ಗೆ 6ರವರೆಗೆ ಚಾರ್ಚ್ ಮಾಡಿದರೆ 3.85 ರೂ. ಪಾವತಿಸಿದರೆ ಸಾಕು. ಒಂದು ಯಂತ್ರ ಅಳವಡಿಕೆಗೆ 5 ಲಕ್ಷ ರುಪಾಯಿ ವೆಚ್ಚವಾಗಲಿದೆ.