ತುಂಗಭದ್ರಾ ನದಿಯ ಹರಿವು ಒಟ್ಟು 123 ಟಿಎಂಸಿಯಷ್ಟಿದ್ದು, ಇದರಲ್ಲಿ 9 ಟಿಎಂಸಿಯಷ್ಟು ನೀರು ಆವಿಯಾಗುತ್ತದೆ. ಬಳಿಕ 114 ಟಿಎಂಸಿಯಷ್ಟು ನೀರು ಮಾತ್ರ ಉಳಿದುಕೊಳ್ಳುತ್ತದೆ. ಈ ನೀರನ್ನು 2017-18 ಸಾಲಿನಲ್ಲಿ ಬಳಕೆ ಮಾಡಿಕೊಳ್ಳಬೇಕಾಗುತ್ತದೆ. 2016-17ನೇ ಸಾಲಿನಲ್ಲಿ ಮಾನವೀಯತೆಯ ಆಧಾರದ ಮೇಲೆ ಕರ್ನಾಟಕ 1 ಟಿಎಂಸಿಯಷ್ಟು ನೀರನ್ನು ನಾರಾಯಣಪುರ ಜಲಾಶಯದಿಂದ ತೆಲಂಗಾಣ ರಾಜ್ಯಕ್ಕೆ ಹರಿಸಿತ್ತು. ಅಗತ್ಯಬಿದ್ದರೆ, ತೆಲಂಗಾಣ ರಾಜ್ಯಕ್ಕೆ ಈ ವರ್ಷ ಕೂಡ 1 ಅಥವಾ 2 ಟಿಎಂಸಿ ನೀರನ್ನು ಬಿಡುತ್ತೇವೆ. ಇದು ಕುಡಿಯುವ ನೀರಿನ ಪರಸ್ಪರ ಒಪ್ಪಂದವಾಗಿರುತ್ತದೆ ಎಂದಿದ್ದಾರೆ.