ಬೆಂಗಳೂರಿನಲ್ಲಿ ಖಾಸಗಿ ಶಾಲೆಗಳ ದರ್ಬಾರ್: ಪೋಷಕರ ಬವಣೆಗೆ ಇಲ್ಲ ಅಂತ್ಯ

ಬೆಂಗಳೂರು: 2018-19ರ ಶೈಕ್ಷಣಿಕ ವರ್ಷದಲ್ಲಿ   ಕಳೆದೊಂದು ವಾರದಿಂದ ಶಾಲೆಗಳು ಪುನರ್ ಆರಂಭಗೊಂಡಿದ್ದು, ಭಾರಿ ಮೊತ್ತದ ಹಣ ತೆತ್ತು ಪಾಲಕರು ತಮ್ಮ ಮಕ್ಕಳನ್ನು ವಿವಿಧ ಮಾದರಿಯ ಶಾಲೆಗಳಿಗೆ ಕಳುಹಿಸುತ್ತಿದ್ದಾರೆ.

ನಿರ್ದಿಷ್ಟ ಬ್ರಾಂಡಿನ ಶೂ  ಕೊಡಿಸುವಂತೆಯೂ  ಪಾಲಕರಿಗೆ  ಒತ್ತಾಯ ಮಾಡುತ್ತಿರುವ ಸಂಗತಿ ತಿಳಿದುಬಂದಿದೆ.  ಇದರಿಂದ ಬೆಸತ್ತ ಪಾಲಕರು ವರ್ಗಾವಣೆ ಕೋರಿದ್ದರೆ, ವಿಪರೀತ ಪ್ರಮಾಣದಲ್ಲಿ ಶುಲ್ಕ ವಿಧಿಸಲಾಗುತ್ತಿದೆ.

ಆದಾಗ್ಯೂ, ಇಂತಹ ಶಾಲೆಗಳ ಆಡಳಿತ ಮಂಡಳಿ ವಿರುದ್ಧ ಕೆಲ ಪೋಷಕರು ಧ್ವನಿ ಎತ್ತುತ್ತಿದ್ದಾರೆ.  ಕೆಲವರು  ನ್ಯಾಯಕ್ಕಾಗಿ ರಾಜ್ಯ ಮಕ್ಕಳ ಹಕ್ಕುಗಳ ಸಂರಕ್ಷಣೆ ಆಯೋಗದ ಮೊರೆ ಹೋಗಿದ್ದಾರೆ. ಇನ್ನೂ ಕೆಲ ಪೋಷಕರು ಜಿಲ್ಲಾ ಶಿಕ್ಷಣ ನಿಯಂತ್ರಣ ಪ್ರಾಧಿಕಾರದಲ್ಲಿ ದೂರು ಸಲ್ಲಿಸಿದ್ದಾರೆ.ದುರದೃಷ್ಟವೆಂದರೆ , ಒಂದು ವೇಳೆ  ಪ್ರತಿಭಟನೆ ಮಾಡಿದ್ದರೆ, ತಮ್ಮ ಮಕ್ಕಳಿಗೆ ಏನಾದರೂ ತೊಂದರೆ ಮಾಡಿದ್ದರೆ ಏನು ಗತಿ ಎಂಬುದು ಹಲವು ಪೋಷಕರ ಆತಂಕಕ್ಕೆ ಕಾರಣವಾಗಿದೆ.

 ಶಾಲಾ ಬಸ್ಸುಗಳು ಸಾರಿಗೆ ವ್ಯವಸ್ಥೆ ಕೂಡಾ ಸರಿಯಿಲ್ಲ.  ಒಂದು ವೇಳೆ ಎರಡು ಅಥವಾ ಮೂರು ರಸ್ತೆಯ ಹೊರಗಡೆ ವಾಸಿಸುತ್ತಿದ್ದರೆ,  ಅದಕ್ಕೆ 1 ಸಾವಿರ ರೂಪಾಯಿ  ಸಾರಿಗೆ ವೆಚ್ಚ ಭರಿಸಬೇಕಾಗುತ್ತದೆ . ಹೀಗೆಲ್ಲಾ ಹಣ ಪೀಕುವುದಲ್ಲದೆ,  ಶಿಕ್ಷಕರು ಹಾಗೂ ಸಮಾಲೋಚಕರನ್ನು ಪ್ರತಿವರ್ಷ ಬದಲಾಯಿಸಲಾಗುತ್ತದೆ.

  ಆದರೆ, ಅವರ ಪಾಠಕ್ಕೆ ಮಕ್ಕಳು ಹೊಂದಾಣಿಕೆಯಾಗಲು ಕನಿಷ್ಠ ಆರು ತಿಂಗಳಾದರೂ ಬೇಕಾಗುತ್ತದೆ ಎಂದು ಪೋಷಕರೊಬ್ಬರು ಖಾಸಗಿ ಶಾಲೆಗಳ ಹಾವಳಿ ಬಗ್ಗೆ ವಿವರಿಸಿದರು.