ಬೆಂಗಳೂರು: ಮೊದಲ ಪತಿಯ ನೆನಪಲ್ಲಿ ಸೆಲ್ಫಿ ವೀಡಿಯೋ ಮಾಡಿ ಮಹಿಳೆ ಆತ್ಮಹತ್ಯೆ!

ಬೆಂಗಳೂರು: ಮಹಿಳೆಯೊಬ್ಬರು ತನ್ನ ಮೊದಲ ಪತಿಯನ್ನು ನೆನೆದು ಸೆಲ್ಫಿ ವೀಡಿಯೋ ಮಾಡಿ ಆತ್ಮಹತ್ಯೆಗೆ ಶರಣಾಗಿರುವ ಘಟನೆ ಬೆಂಗಳೂರಿನ ವಿವೇಕ ನಗರದಲ್ಲಿ ನಡೆದಿದೆ.

ನೇಪಾಳಿ ಮೂಲದ ಮಹಿಳೆ ಅಂಕಿತಾ (32) ಭಾನುವಾರ ತ್ರಾತ್ರಿ ಆತ್ಮಹತ್ಯೆಗೆ ಶರಾನಾಗಿದ್ದಾರೆ.

ಮನೆಯಲ್ಲಿ ಯಾರು ಇಲ್ಲದ ವೇಳೆ ಅಂಕಿತಾ ತನ್ನ ಮೊಬೈಲಿನಲ್ಲಿ ವಿಡಿಯೋ ಮಾಡಿ ಮನೆಯಲ್ಲಿದ್ದ ಮರದ ಪಟ್ಟಿಗೆ ದುಪ್ಪಟ್ಟಾದಿಂದ ನೇಣು ಬಿಗಿದುಕೊಂಡು ಆತ್ಮಹತ್ಯೆಗೆ ಶರಣಾಗಿದ್ದಾರೆ.

ಖಾಸಗಿ ಸಂಸ್ಥೆಯೊಂದರಲ್ಲಿ ಹೌಸ್ ಕೀಪಿಂಗ್ ಕೆಲಸ ಮಾಡುತ್ತಿದ್ದ ಅಂಕಿತಾ ಮೊದಲ ಪತಿಯಿಂದ ವಿಚ್ಚೇದನ ಪಡೆದು ಸೋನಂ ಎಂಬುವವನೊಡನೆ ವಿವಾಹವಾಗಿದ್ದರು. ಆದರೆ ಎರಡನೇ ಪತಿ ಹಾಗೂ ಅಂಕಿತಾ ನಡುವೆ ಮನಸ್ತಾಪವೆದ್ದಿದ್ದು ಕೌಟುಂಬಿಕ ಕಲಹಕ್ಕೆ ಕಾರಣವಾಗಿತ್ತು. ಈ ಹಿನ್ನೆಲೆಯಲ್ಲಿ ಆತ್ಮಹತ್ಯೆಗೆ ಮುನ್ನ ಅಂಕಿತಾ ತನ್ನ ಮೊದಲ ಪತಿಯನ್ನು ನೆನೆದು ಕಣ್ಣಿರು ಹಾಕಿದ್ದಾರೆ.

ಮೊದಲನೇ ಪತಿಯನ್ನು ಬಿಟ್ಟು ತಪ್ಪು ಮಾಡಿದೆ ಎಂದು ಹೇಳಿರುವ ನೇಪಾಳಿ ಭಾಷೆಯ ಮೊಬೈಲ್ ಬೀಡಿಯೋ ಪತ್ತೆಯಾಗಿದೆ.ಅಲ್ಲದೆ ನಾನು ಆತ್ಮಹತ್ಯೆಗೆ ಶರಣಗುತ್ತಿದ್ದೇನೆ  ನನ್ನನ್ನು ಕ್ಷಮಿಸಿ ಎಂದು ಕುಟುಂಬದವರ ಕ್ಷಮೆ ಕೇಳಿರುವುದಾಗಿ ಪೋಲೀಸರು ಮಾಹಿತಿ ಒದಗಿಸಿದ್ದಾರೆ.

ಘಟನೆ ಸಂಬಂಧ ವಿವೇಕ ನಗರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.