2017ರ ಡಿಸೆಂಬರ್ನಿಂದ ಟೆಕ್ಕಿ ಕುಮಾರ್ ಅಜಿತಾಬ್ ನಾಪತ್ತೆಯಾಗಿದ್ದು ಸುಮಾರು ಒಂಬತ್ತು ತಿಂಗಳು ಕಳೆದರೂ ಸಹ ಯಾವ ಸುಳಿವು ಲಭ್ಯವಾಗಿಲ್ಲ. ಓಎಲ್ ಎಕ್ಸ್ ನಲ್ಲಿ ತಮ್ಮ ಕಾರನ್ನು ಮಾರಾಟಕ್ಕಿಟ್ಟಿದ್ದ ಅಜಿತಾಬ್ ಗ್ರಾಹಕರಿಂದ ಕರೆ ಬಂದಾಗ ಕಾರು ತೋರಿಸಲೆಂದು ಹೊರಟಿದ್ದವರು ಹಿಂತಿರುಗಲಿಲ್ಲ. 2017ರ ಡಿಸೆಂಬರ್ 18ಕ್ಕೆ ಮನೆಯಿಂದ ಹೊರಟಿದ್ದ ಅಜಿತಾಬ್ ಇನ್ನೂ ಪತ್ತೆಯಾಗಿಲ್ಲ. ಪ್ರಕರಣ ತನಿಖೆ ನಡೆಸಿದ್ದ ಸಿಐಡಿ ಅಧಿಕಾರಿಗಳು ಅಮೆರಿಕಾದಲ್ಲಿನ ಗೂಗಲ್ ಗೆ ಅಜಿತಾಬ್ ಪತ್ತೆಗೆ ಸಹಕಾರ ನೀಡಲು ಕೋರಿದ್ದರು.
