ಜ.1ರಂದು ರಾತ್ರಿ ಅಂಗಡಿ ಮಾಲೀಕ ಎಂದಿನಂತೆ ಬೀಗ ಹಾಕಿಕೊಂಡು ಹೋಗಿದ್ದರು. ಜ.2ರ ಬೆಳಗಿನ ಜಾವ 5.40ರ ಸುಮಾರಿಗೆ ಬೆಡ್ ಶೀಟ್ ಹೊದ್ದುಕೊಂಡಿದ್ದ 6 ಮಹಿಳೆಯರು ಒಬ್ಬೊಬ್ಬರಾಗಿ ಭೈರಪ್ಪ ಸಿಲ್ಕ್ಸ್'ನ ಮೆಟ್ಟಿಲುಗಳ ಮೇಲೆ ಬಂದು ಕುಳಿತುಕೊಂಡಿದ್ದಾರೆ. ಈ ವೇಳೆ ಅಂಗಡಿಯ ಮುಂಭಾಗದಲ್ಲಿ ಬೆಂಕಿ ಹಾಕಿದ್ದು, ಕೆಲವರು ಬೆಂಕಿ ಕಾಯಿಸುವ ನೆಪದಲ್ಲಿ ರಸ್ತೆ ಬದಿಯಲ್ಲಿ ಕುಳಿತುಕೊಂಡಿದ್ದರೆ, ಇನ್ನು ಕೆಲವರು ಶೆಟರ್'ಗೆ ಹೊಂದಿಕೊಂಡಂತೆ ಕುಳಿತುಕೊಂಡಿದ್ದಾರೆ. ಇದರಿಂದ ರಸ್ತೆಯಲ್ಲಿ ಹೋಗುತ್ತಿದ್ದವರಿಗೆ ಚಳಿ ಕಾಯಿಸಲು ಮಹಿಳೆಯರು ಕುಳಿತಿದ್ದಾರೆಂದು ತಿಳಿದಿದ್ದಾರೆ.
