ಬೆಂಗಳೂರು: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಮಾಜಿ ಸಚಿವ ಹಾಗೂ ನಟ ರೆಬೆಲ್ ಸ್ಟಾರ್ ಅಂಬರೀಷ್ ಅವರ ಹೆಸರಿಡಲು ಚಿಂತನೆ ನಡೆಸಿದೆ.
ಬೊಮ್ಮನಹಳ್ಳಿ ಸಮೀಪವಿರುವ 197ನೇ ವಾರ್ಡ್ ಆದಿರುವ ವಸಂತನಗರಕ್ಕೆ ಅಂಬರೀಷ್ ಹೆಸರಿಡಲು ಯೋಜನೆ ನಡೆಸುತ್ತಿದೆ.
ವಸಂತಪುರದ ಹೆಸರು ಬದಲಾಯಿಸಲು ಬಿಬಿಎಂಪಿ ನೋಟಿಫಿಕೇಷನ್ ನೀಡಿದ್ದು, ಸಾರ್ವಜನಿಕರು ಹೆಸರು ಬದಲಾಯಿಸುವ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಹಾಗೂ ಸಲಹೆಗಳನ್ನು ಸೂಚಿಸಲು 15 ದಿನಗಳ ಕಾಲವಕಾಶ ನೀಡಲಾಗಿದೆ,.
ಆದರೆ ಹೆಸರು ಬದಲಾವಣೆಗೆ ವಸಂತಪುರ ವನ್ನೇ ಏಕೆ ಅಯ್ಕೆ ಮಾಡಿಕೊಂಡಿದೆ ಎಂಬ ಬಗ್ಗೆ ಬಿಬಿಎಂಪಿ ಯಾವುದೇ ಸ್ಪಷ್ಟನೆ ನೀಡಿಲ್ಲ, ಬೆಂಗಳೂರು ದಕ್ಷಿಣ ಅಥವಾ ಜೆ ಪಿ ನಗರವನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿತ್ತು, ಏಕೆಂದರೇ ಅಂಬರೀಷ್ ಅವರು ಜೆ.ಪಿ ನಗರದಲ್ಲಿ ವಾಸವಾಗಿದ್ದರು ಎಂಬ ಮಾತುಗಳು ಕೇಳಿ ಬರುತ್ತಿವೆ.
ಆದರೆ ಶೋಭಾ ಗೌಡ ವಸಂತಪುರದ ಕಾರ್ಪೋರೇಟರ್ ಈ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
