ಮೇ ತಿಂಗಳಲ್ಲಿ ಬೀದಿ ನಾಯಿಗಳ ಚಿಕಿತ್ಸೆಗೆ ಆಂಬ್ಯುಲೆನ್ಸ್: ಬಿಬಿಎಂಪಿ

ಬೆಂಗಳೂರು: ಅಪಘಾಕ್ಕೀಡಾಗಿ ಗಾಯಗೊಂಡ ಅಥವಾ ಬೇರೆ ರೀತಿಯ ಕಾಯಿಲೆಯಿಂದ ಬಳಲುತ್ತಿರುವ ಬೀದಿ ನಾಯಿಗಳ ಚಿಕಿತ್ಸೆಗೆ ಪ್ರಾಣಿಪ್ರಿಯರು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯ ಪ್ರಾಣಿ ಆಂಬ್ಯುಲೆನ್ಸ್ ನ್ನು ಕರೆಯಬಹುದು.

ಮೇ ತಿಂಗಳಿನಿಂದ ಬೀದಿ ನಾಯಿಗಳ ಚಿಕಿತ್ಸೆಗೆ ಆಂಬ್ಯುಲೆನ್ಸ್ ಆರಂಭವಾಗಲಿದ್ದು ಬಿಬಿಎಂಪಿ ಬಜೆಟ್ ನಲ್ಲಿ ಇದಕ್ಕೆ 25 ಲಕ್ಷ ಮೀಸಲಿಡಲಾಗಿದೆ.

ಬಿಬಿಎಂಪಿಯ ಮೂರು ಆಂಬ್ಯುಲೆನ್ಸ್ ರಸ್ತೆಗಿಳಿಯಲಿದ್ದು ಅವು ಬೀದಿ ನಾಯಿಗಳ ಚಿಕಿತ್ಸೆಗಾಗಿಯೇ ಇರುವಂತದ್ದು. ವಾಹನದಲ್ಲಿ ಪಶುವೈದ್ಯರು, ಪ್ಯಾರಾ ವೆಟ್ ಸಿಬ್ಬಂದಿ ಮತ್ತು ಚಿಕಿತ್ಸೆಗಾಗಿ ಪ್ರಥಮ ಚಿಕಿತ್ಸಾ ಮತ್ತು ಇತರ ಮೂಲಭೂತ ಸಾಧನಗಳು ಇರುತ್ತವೆ. ಚಿಕಿತ್ಸೆಗಾಗಿ ಪ್ರಾಣಿ ಜನನ ನಿಯಂತ್ರಣ ಕೇಂದ್ರಗಳಿಗೆ ಅವುಗಳನ್ನು ಕರೆದೊಯ್ಯಲಾಗುತ್ತದೆ ಎಂದು ಪ್ರಾಣಿದಯಾ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ.