ಡಿಸಿಪಿ ಇಶಾ ಪಂತ್ ವರ್ಗಾವಣೆ ದಿಢೀರ್ ರದ್ದು

ಬೆಂಗಳೂರು: ಸಿಐಡಿ ಎಸ್ ಪಿ ಆಗಿ ವರ್ಗಗೊಂಡಿದ್ದ  ಡಿಸಿಪಿ ಇಶಾ ಪಂತ್ ಅವರ ವರ್ಗಾವಣೆ ರದ್ದು ಮಾಡಿ ರಾಜ್ಯ ಸರ್ಕಾರ ಶನಿವಾರ ಏಕಾಏಕಿ ಆದೇಶ ಹೊರಡಿಸಿದೆ.

ಕಳೆದ 3 ದಿನಗಳ ಹಿಂದಷ್ಟೇ ಆಗ್ನೇಯ ವಿಭಾಗದ ಡಿಸಿಪಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದ ಇಶಾ ಪಂತ್ ಅವರನ್ನು, ಸಿಐಡಿ ಎಸ್ ಪಿ ಆಗಿ ರಾಜ್ಯ ಸರ್ಕಾರ ವರ್ಗಾವಣೆ ಮಾಡಿತ್ತು. ಆದರೆ, ಇಂದು ಅದನ್ನು ರದ್ದುಗೊಳಿಸಿದೆ.

ಆದ್ದರಿಂದ ಇಶಾ ಪಂತ್ ಅವರು ಆಗ್ನೇಯ ವಿಭಾಗದ ಡಿಸಿಪಿಯಾಗಿಯೇ ಮುಂದುವರಿಯಲಿದ್ದಾರೆ.