ಬೆಂಗಳೂರು: ಹೆಚ್ಚುವರಿ ಧನ ಸಂಗ್ರಹಕ್ಕೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ಖಾತಾ ವರ್ಗಾವಣೆ ದರ, ಫ್ಲಾಟ್ ಮತ್ತು ಸೈಟ್ ಗಳ ಅರ್ಜಿ ಶುಲ್ಕವನ್ನು ಹೆಚ್ಚಿಸಿದ್ದು ದಂಡದ ಮೊತ್ತವನ್ನು ಸಹ ಶೇಕಡಾ 50ರಿಂದ 100ಕ್ಕೆ ಹೆಚ್ಚಳ ಮಾಡಿದೆ ಎಂದು ಮೂಲಗಳಿಂದ ತಿಳಿದುಬಂದಿದೆ.
ಈ ಪರಿಷ್ಕೃತ ದರ ಅಕ್ಟೋಬರ್ 6ರಿಂದ ಪೂರ್ವಾನ್ವಯವಾಗುವಂತೆ ಜಾರಿಗೆ ಬರಲಿದೆ. ಮುಂದಿನ ವರ್ಷ ಮಾರ್ಚ್ ನಿಂದ ಆಸ್ತಿ ತೆರಿಗೆ ಸಹ ಹೆಚ್ಚಾಗಲಿದೆ. ಆಸ್ತಿ ತೆರಿಗೆ ದರವನ್ನು ಬಿಬಿಎಂಪಿ ನಿಗದಿಪಡಿಸಲಿದೆ.
ಪರಿಷ್ಕೃತ ದರದ ಬಗ್ಗೆ ಬಿಡಿಎ ಆಯುಕ್ತ ಹೆಚ್ ಆರ್ ಮಹದೇವ ನಿನ್ನೆ ಸಹಿ ಹಾಕಿದ್ದಾರೆ. ಈ ದರ ಇನ್ನು 5 ವರ್ಷಗಳಿಗೆ ಅನ್ವಯವಾಗಲಿದೆ.
