ಕೆಂಗೇರಿ-ಚಲ್ಲಘಟ್ಟ ಮೆಟ್ರೋ ಮಾರ್ಗದಲ್ಲಿ ನಿರ್ಣಾಯಕ ಲೋಡ್ ಪರೀಕ್ಷೆ ಪೂರ್ಣ

ಬೆಂಗಳೂರು: ಕೆಂಗೇರಿ-ಚಲ್ಲಘಟ್ಟ ಮಾರ್ಗದ ನೈಸ್ ರಸ್ತೆಯ ಮೇಲೆ ನಿರ್ಮಿಸಲಾದ ಸ್ಟೀಲ್ ಗರ್ಡರ್‌ನ ಬೇರಿಂಗ್ ಸಾಮರ್ಥ್ಯವನ್ನು ಪರಿಶೀಲಿಸುವ ನಿರ್ಣಾಯಕ ಐದು ದಿನಗಳ ಲೋಡ್ ಪರೀಕ್ಷೆ ಶುಕ್ರವಾರ ಪೂರ್ಣಗೊಳ್ಳಲಿದೆ.

ಸೋಮವಾರದಿಂದ ಎರಡು ಪ್ರತ್ಯೇಕ ರೈಲುಗಳಲ್ಲಿ ಒಟ್ಟು 387 ಟನ್ ತೂಕವನ್ನು ಬಳಸಿ ಗರ್ಡರ್‌ನ 56 ಮೀಟರ್ ವ್ಯಾಪ್ತಿಯನ್ನು ಪರೀಕ್ಷಿಸಲಾಗಿದೆ. ಈ ನಿರ್ಣಾಯಕ ಪರೀಕ್ಷೆಯೊಂದಿಗೆ, ಈ 1.6 ಕಿಮೀ ವ್ಯಾಪ್ತಿಯಲ್ಲಿ ಎಲ್ಲಾ ಸಿವಿಲ್ ಕಾಮಗಾರಿಗಳು ಪೂರ್ಣಗೊಂಡಿವೆ ಎಂದು ಚಲ್ಲಘಟ್ಟ ನಿಲ್ದಾಣದ ಸಹಾಯಕ ಎಂಜಿನಿಯರ್ ಎಂ ರಾಜೇಶ್ ಟಿಎನ್‌ಐಇಗೆ ತಿಳಿಸಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು: ಮೆಟ್ರೋ ರೈಲಿನಲ್ಲಿ ಯುವತಿಯಿಂದ ಸೊಮರ್ ಸಾಲ್ಟ್ ಪ್ರದರ್ಶನ, ವಿಡಿಯೋ ವೈರಲ್

ಸೆಪ್ಟೆಂಬರ್‌ನಲ್ಲಿ ಕೆಆರ್ ಪುರ-ಬೈಯಪ್ಪನಹಳ್ಳಿ ಮಾರ್ಗದಲ್ಲಿ ಸಾರ್ವಜನಿಕರಿಗೆ ಮುಕ್ತಗೊಳಿಸಲಾಗುವುದು. ಮೆಟ್ರೋ ರೈಲು ಸುರಕ್ಷತೆಯ ಆಯುಕ್ತರು ಸೆಪ್ಟೆಂಬರ್ ಮಧ್ಯದ ವೇಳೆಗೆ ಎರಡೂ ಮಾರ್ಗಗಳನ್ನು ಪರಿಶೀಲಿಸುವ ನಿರೀಕ್ಷೆಯಿದೆ. ಆಗಸ್ಟ್ 28 ರಂದು ಪ್ರಾರಂಭವಾದ ಪರೀಕ್ಷೆಗಳ ವಿವರಗಳನ್ನು ನಿರ್ದಿಷ್ಟಪಡಿಸಿದ ರಾಜೇಶ್ ಅವರು, ಎರಡು ಪ್ರತ್ಯೇಕ ರೈಲುಗಳೊಂದಿಗೆ ಮೂರು ಹಂತಗಳಲ್ಲಿ ಪರೀಕ್ಷೆಯನ್ನು ಮಾಡಲಾಗಿದೆ ಎಂದು ಹೇಳಿದರು. 

“ಮೊದಲ ಹಂತದಲ್ಲಿ, ನಾವು 2,827 ಮರಳಿನ ಚೀಲಗಳನ್ನು ಟ್ರ್ಯಾಕ್‌ಗಳು ಮತ್ತು ಪ್ಲಿಂತ್ ಬೀಮ್ ನಡುವೆ ಇರಿಸಿದ್ದೇವೆ. ಈ ಪ್ರತಿಯೊಂದು ಚೀಲವು 30 ಕೆ.ಜಿ. ಇದ್ದು, ನಾವು ಖಾಲಿ ರೈಲುಗಳನ್ನು ನಿಲ್ಲಿಸಿ 6 ಗಂಟೆಗಳ ಕಾಲ ಅವುಗಳನ್ನು ವೀಕ್ಷಿಸಿದ್ದೇವೆ. ಎರಡನೇ ಹಂತದಲ್ಲಿ, ಪ್ರತಿ ರೈಲಿನ ಮೂರು ಬೋಗಿಗಳನ್ನು ನಿಲ್ಲಿಸಲಾಗಿತ್ತು ಮತ್ತು ಪ್ರತಿ ಕೋಚ್‌ನಲ್ಲಿ 621 ಮರಳಿನ ಚೀಲಗಳನ್ನು ಇರಿಸಲಾಗಿತ್ತು, ಪ್ರತಿ ಕೋಚ್‌ನಲ್ಲಿ ಒಟ್ಟು 18.6 ಟನ್ ತೂಕವಿತ್ತು. ಇದನ್ನು 24 ಗಂಟೆಗಳ ಕಾಲ ಗಮನಿಸಲಾಯಿತು. ಹಾಗಾಗಿ, ರೈಲಿನ ಕೆಳಗಿರುವ ಬ್ಯಾಗ್‌ಗಳು ಮತ್ತು ಪ್ರತಿ ರೈಲಿನಲ್ಲಿರುವ ಮೂರು ಬೋಗಿಗಳ ತೂಕವನ್ನು ಒಳಗೊಂಡಿರುವ ಗಿರ್ಡರ್‌ನ ಸ್ಪ್ಯಾನ್‌ನಲ್ಲಿ ಒಟ್ಟು 387 ಟನ್‌ಗಳನ್ನು ಪರೀಕ್ಷಿಸಲಾಗಿದೆ ಎಂದು ಅವರು ವಿವರಿಸಿದರು.

ಇದನ್ನೂ ಓದಿ: ನಮ್ಮ ಮೆಟ್ರೋ: ವಿಸ್ತೃತ ನೇರಳೆ ಮಾರ್ಗ ಸೆಪ್ಟೆಂಬರ್ ಆರಂಭದಲ್ಲಿ ಕಾರ್ಯಾರಂಭ!

ತಾಂತ್ರಿಕವಾಗಿ 'ಡಿಫ್ಲೆಕ್ಷನ್ ರೀಡಿಂಗ್ಸ್' ಎಂದು ಕರೆಯಲ್ಪಡುವ ಪರೀಕ್ಷೆಯನ್ನು ಗಮನಿಸಲಾಗಿದೆ. "ಇದುವರೆಗೆ ಪರೀಕ್ಷೆಗಳು ಯಶಸ್ವಿಯಾಗಿವೆ. ನಂತರ ನಾವು ಇಡೀ ಪ್ರಕ್ರಿಯೆಯನ್ನು ಹಿಮ್ಮುಖಗೊಳಿಸಿದ್ದೇವೆ. ಪರೀಕ್ಷೆಯ ಅಂತಿಮ 24 ಗಂಟೆಗಳ ವೀಕ್ಷಣೆ ಪ್ರಗತಿಯಲ್ಲಿದೆ ಮತ್ತು ಇದು ಶುಕ್ರವಾರ ಪೂರ್ಣಗೊಳ್ಳಲಿದೆ ಎಂದು ಅವರು ಹೇಳಿದರು.