Bengaluru traffic: ಹೊಸೂರು ರಸ್ತೆ ಬಳಿ ಸಿಂಗಸಂದ್ರ ಕಡೆಗೆ ವಾಹನ ದಟ್ಟಣೆ; ಈ ಮಾರ್ಗ ತಪ್ಪಿಸಲು ಪೊಲೀಸ್ ಸಲಹೆ

ಬೆಂಗಳೂರು: ಬೆಂಗಳೂರು ನಗರ ಪೊಲೀಸರು ಸಂಚಾರ ಸಲಹೆಯನ್ನು ಬಿಡುಗಡೆ ಮಾಡಿದ್ದಾರೆ.

ಹೊಸೂರು ರಸ್ತೆ ಬಳಿ ಸರಣಿ ರಸ್ತೆ ಅಪಘಾತ ಸಂಭವಿಸಿದ್ದು, ಈ ಮಾರ್ಗದಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿದೆ. ಪರಿಣಾಮ ನಿಧಾನಗತಿಯ ಟ್ರಾಫಿಲ್ ಇರಲಿದೆ ಎಂದು ಬೆಂಗಳೂರು ಟ್ರಾಫಿಕ್ ಪೊಲೀಸ್ ಸಾಮಾಜಿಕ ಜಾಲತಾಣ ಖಾತೆ ತಿಳಿಸಿದೆ.

ಸಿಂಗಸಂದ್ರದ ಕಡೆ ವಾಹನಗಳು ಸಂಚರಿಸುವ ಮಾರ್ಗದಲ್ಲಿ ನಿಧಾನಗತಿಯ ಸಂಚಾರವಿದೆ ಈ ಮಾರ್ಗವನ್ನು ವಾಹನ ಸವಾರರು ಸಾಧ್ಯವಾದಷ್ಟೂ ತಪ್ಪಿಸಬೇಕಾಗಿದೆ.

ಸರಣಿ ಅಪಘಾತ, ವಾಹನ ದಟ್ಟಣೆ ಹಿನ್ನೆಲೆಯಲ್ಲಿ ವಾಹನ ಸವಾರರು ಸಹಕರಿಸಬೇಕೆಂದು ಸಂಚಾರಿ ಪೊಲೀಸ್ ಇಲಾಖೆ ಮನವಿ ಮಾಡಿದೆ.