ಚೀನಾದಿಂದ ಪೂರೈಕೆ ಕಡಿತ: ಖಾರಿಫ್ ಬೆಳೆಗೆ DAP ಕೊರತೆ ಸಮಸ್ಯೆ

ಬೆಂಗಳೂರು: ರಾಜಕೀಯ ದುರುದ್ದೇಶ ಸೇರಿದಂತೆ ಹಲವಾರು ಕಾರಣಗಳಿಂದ ಚೀನಾ ಭಾರತಕ್ಕೆ ಡೈ-ಅಮೋನಿಯಂ ಫಾಸ್ಫೇಟ್ (DAP) ಪೂರೈಕೆಯನ್ನು ಕಡಿತಗೊಳಿಸಿರುವುದರಿಂದ, ರಾಜ್ಯದ ರೈತರು ಖಾರಿಫ್ ಋತುವಿನಲ್ಲಿ ರಸಗೊಬ್ಬರ ಕೊರತೆಯನ್ನು ಎದುರಿಸುತ್ತಿದ್ದಾರೆ.

ರಾಜ್ಯ ಕೃಷಿ ಇಲಾಖೆ ಮತ್ತು ತಜ್ಞರು ರೈತರು DAP ಬದಲಿಗೆ ಸಾರಜನಕ, ರಂಜಕ ಮತ್ತು ಪೊಟ್ಯಾಸಿಯಮ್ ಬಳಸುವಂತೆ ಸೂಚಿಸುತ್ತಿದ್ದಾರೆ. ಕರ್ನಾಟಕಕ್ಕೆ ಪ್ರಸ್ತುತ ಖಾರಿಫ್ ಋತುವಿಗೆ 4 ಲಕ್ಷ ಟನ್ DAP ಮತ್ತು ರಬಿಗೆ ಇನ್ನೂ 2 ಲಕ್ಷ ಟನ್ ಅಗತ್ಯವಿದೆ.

ಕಳೆದ ಮೂರು ವರ್ಷಗಳ ಸರಾಸರಿ ಬಳಕೆಯ ಆಧಾರದ ಮೇಲೆ ಕೇಂದ್ರವು ರಾಜ್ಯಗಳಿಗೆ DAP ಪೂರೈಸುತ್ತದೆ. ಖಾರಿಫ್ ಋತುವಿಗೆ ಪೂರೈಸಬೇಕಾದ DAP ಪ್ರಮಾಣವನ್ನು ಜನವರಿಯಲ್ಲಿ ಮತ್ತು ಜುಲೈನಲ್ಲಿ ರಬಿಗೆ ಪೂರೈಸಲು ಸಮಯ ನಿಗದಿಪಡಿಸಲಾಗಿದೆ. ಈ ವರ್ಷ, ಕೇಂದ್ರವು ಕರ್ನಾಟಕಕ್ಕೆ 4 ಲಕ್ಷ ಟನ್ ಹಂಚಿಕೆ ಮಾಡಿದ್ದು ಇಲ್ಲಿಯವರೆಗೆ ಕೇವಲ 1.89 ಲಕ್ಷ ಟನ್ ಮಾತ್ರ ಪೂರೈಕೆಯಾಗಿದೆ.

ಕಳೆದ ವರ್ಷದಿಂದ ಸುಮಾರು 76,000 ಟನ್ ದಾಸ್ತಾನು ಹೊಂದಿವೆ ಎಂದು ಕೃಷಿ ಇಲಾಖೆಯ ಮೂಲಗಳು ತಿಳಿಸಿವೆ. ಕಳೆದ ವರ್ಷದ ಸ್ಟಾಕ್ ಸೇರಿದಂತೆ ನಾವು ಇಲ್ಲಿಯವರೆಗೆ 1.9 ಲಕ್ಷ ಟನ್‌ಗಳನ್ನು ವಿತರಿಸಲು ಸಾಧ್ಯವಾಗಿದೆ. ರಬಿಗೆ ಜುಲೈ-ಕೊನೆಯಲ್ಲಿ ಹಂಚಿಕೆ ನಡೆಯಲಿದೆ. ಆಗ ನಮಗೆ ಎಷ್ಟು ಸಿಗುತ್ತದೆ ಎಂದು ನಮಗೆ ತಿಳಿದಿಲ್ಲ ಎಂದು ಮೂಲಗಳು ತಿಳಿಸಿವೆ.

ಭಾರತವು ತನ್ನ ವಾರ್ಷಿಕ ಅಗತ್ಯದ ಶೇ. 48ರಷ್ಟನ್ನು ಇತರ ದೇಶಗಳಿಂದ, ಹೆಚ್ಚಾಗಿ ಚೀನಾದಿಂದ ಆಮದು ಮಾಡಿಕೊಳ್ಳುತ್ತದೆ ಎಂದು ಅಧಿಕಾರಿಯೊಬ್ಬರು ವಿವರಿಸಿದ್ದಾರೆ. ರಾಜಕೀಯ ಕಾರಣಗಳ ಜೊತೆಗೆ ಡಿಎಪಿಯ ಕೆಲವು ಪದಾರ್ಥಗಳನ್ನು ಇತರ ಉತ್ಪನ್ನಗಳಿಗೆ ಬಳಸುತ್ತಿರುವುದರಿಂದ ಚೀನಾ ರಫ್ತು ಕಡಿತಗೊಳಿಸಿದೆ.

ಉಳಿದ ಅವಶ್ಯಕತೆಯನ್ನು ಭಾರತದೊಳಗಿನ ಉತ್ಪಾದನೆಯಿಂದ ಪೂರೈಸಲಾಗುತ್ತದೆ. ಭಾರತವು ಫಾಸ್ಪರಿಕ್ ಸಂಯುಕ್ತಗಳಿಗಾಗಿ ರಷ್ಯಾ ಮತ್ತು ಇತರ ದೇಶಗಳನ್ನು ಅವಲಂಬಿಸಿದೆ, ಭಾರತ-ಪಾಕ್ ಸಂಘರ್ಷದ ನಂತರ ಹಡಗುಗಳು ಕರಾಚಿ ಮಾರ್ಗವನ್ನು ತಪ್ಪಿಸಿ ಸಾಗಣೆ ಮಾಡಬೇಕಾಗಿರುವುದರಿಂದ ಅದರ ವೆಚ್ಚ ಹೆಚ್ಚಾಗಿದೆ ಎಂದು ಹೆಸರು ಬಹಿರಂಗಪಡಿಸಲು ಬಯಸದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ರೈತರು ಎನ್‌ಪಿಕೆ (ಸಾರಜನಕ, ರಂಜಕ ಮತ್ತು ಪೊಟ್ಯಾಸಿಯಮ್) ರಸಗೊಬ್ಬರಗಳನ್ನು ಬಳಸಬೇಕು ಎಂದು ಒತ್ತಾಯಿಸಲಾಗುತ್ತಿದೆ ಎಂದು ಭಾರತೀಯ ಕೃಷಿ ತಂತ್ರಜ್ಞಾನ ಸಂಸ್ಥೆಯ ಅಧ್ಯಕ್ಷ ಎಬಿ ಪಾಟೀಲ್ ಹೇಳಿದ್ದಾರೆ. ರೈತರು ಸಾವಯವ ಗೊಬ್ಬರಗಳನ್ನು ಆರಿಸಿಕೊಳ್ಳಬೇಕು ಎಂದು ತಜ್ಞರು ಹೇಳುತ್ತಾರೆ. ಇದಲ್ಲದೆ, ಮಣ್ಣಿಗೆ ಪೊಟ್ಯಾಸಿಯಮ್ ಕೂಡ ಬೇಕು. ಎಲ್ಲಾ ರೀತಿಯ ಕೃಷಿಗೆ ಸಾವಯವ ಗೊಬ್ಬರಗಳನ್ನು ಬಳಸುವಂತೆ ನಾವು ರೈತರನ್ನು ಒತ್ತಾಯಿಸುತ್ತಿದ್ದೇವೆ ಎಂದು ಅವರು ಹೇಳಿದರು.

ಕೆಲವು ವಾರಗಳ ಹಿಂದೆ, ಕೃಷಿ ಸಚಿವ ಎನ್ ಚೆಲುವರಾಯಸ್ವಾಮಿ ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವ ಜೆಪಿ ನಡ್ಡಾ ಅವರಿಗೆ ಕೊರತೆಯ ಬಗ್ಗೆ ಪತ್ರ ಬರೆದಿದ್ದರು. 2024-25ರಲ್ಲಿ ಖಾರಿಫ್ ಮತ್ತು ರಬಿ ಋತುಗಳಲ್ಲಿ ಕೇಂದ್ರವು 4.91 ಲಕ್ಷ ಟನ್ ಡಿಎಪಿಯನ್ನು ಪೂರೈಸಿದೆ ಎಂದು ಅವರು ಹೇಳಿದ್ದಾರೆ, ಆದರೆ ಬಳಕೆ 5.85 ಲಕ್ಷ ಟನ್ ಅಗತ್ಯವಿತ್ತು, ಹಿಂದಿನ ದಾಸ್ತಾನು ಬಳಸಿ ಇದನ್ನು ಪೂರೈಸಲಾಗಿದೆ ಎಂದಿದ್ದಾರೆ.

ಅಗತ್ಯ ಪ್ರಮಾಣದ ಪೂರೈಕೆ ಮತ್ತು ಹಿಂದಿನ ವರ್ಷಕ್ಕಿಂತ ಆರಂಭಿಕ ಸಮತೋಲನದಿಂದಾಗಿ, ರಾಜ್ಯವು ಖಾರಿಫ್ ಮತ್ತು ರಬಿ ಬೇಸಿಗೆ ಋತುಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ ಮತ್ತು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಆಹಾರ ಉತ್ಪಾದನೆಯಲ್ಲಿ ಹೆಚ್ಚಳವಾಗಿದೆ" ಎಂದು ಅವರು ಹೇಳಿದರು.

ಕೊರತೆಯನ್ನು ಸರಿದೂಗಿಸುವಂತೆ ಚಲುವರಾಯಸ್ವಾಮಿ ಅವರು ನಡ್ಡಾ ಅವರನ್ನು ಒತ್ತಾಯಿಸಿದ್ದಾರೆ, ಇಲ್ಲದಿದ್ದರೆ ರಾಜ್ಯವು ಡಿಎಪಿ ರಸಗೊಬ್ಬರದ ಕೊರತೆಯನ್ನು ಎದುರಿಸಬೇಕಾಗುತ್ತದೆ, ಇದು ರೈತರಲ್ಲಿ ಅಶಾಂತಿಗೆ ಕಾರಣವಾಗಬಹುದು ಎಂದು ಹೇಳಲಾಗುತ್ತಿದೆ.

ಕೃಷಿ ಇಲಾಖೆಯ ಮೂಲಗಳು ಹೇಳುವಂತೆ, ರೈತರು ಈಗಾಗಲೇ ರಾಜ್ಯದಾದ್ಯಂತ ಅನೇಕ ಸ್ಥಳಗಳಲ್ಲಿ ರೈತ ಸಂಪರ್ಕ ಕೇಂದ್ರಗಳಲ್ಲಿ ಡಿಎಪಿ ಕೊರತೆಯ ಸಮಸ್ಯೆಯನ್ನು ಎತ್ತುತ್ತಿದ್ದಾರೆ ಎಂದು ತಿಳಿದು ಬಂದಿದೆ.

ರೈತರು ಸಸ್ಯ ಬೆಳವಣಿಗೆಗೆ ಅಗತ್ಯವಾದ ಮಣ್ಣಿಗೆ ರಂಜಕವನ್ನು ನೀಡಲು ಡಿಎಪಿಯನ್ನು ಬಳಸುತ್ತಾರೆ. ಡಿಎಪಿ ಬಳಕೆಯಿಂದ ಬೇರುಗಳು, ಹೂಬಿಡುವಿಕೆ ಮತ್ತು ಹಣ್ಣು ಬಿಡುವುದು ಸೇರಿದಂತೆ ಸಸ್ಯಗಳ ಒಟ್ಟಾರೆ ಬೆಳವಣಿಗೆಗೆ ಸಹಾಯ ಮಾಡುತ್ತದೆ, ಇಳುವರಿಯನ್ನು ಹೆಚ್ಚಿಸುತ್ತದೆ. ಸಾರಜನಕ ಅಂಶವು ಸಸ್ಯಕ ಬೆಳವಣಿಗೆಯನ್ನು ಬೆಂಬಲಿಸುತ್ತದೆ.