₹2.50ರ ನಕಲಿ ಸಿಗರೇಟ್ ₹20ಕ್ಕೆ ಮಾರಾಟ! ಕಾಂಬೋಡಿಯಾದಿಂದ ಬೆಂಗಳೂರಿಗೆ ಸಫ್ಲೈ ಆಗ್ತಿದ್ದ ₹12 ಲಕ್ಷ ಮೌಲ್ಯದ ನಕಲಿ ಸಿಗರೇಟ್ ವಶಕ್ಕೆ

ಕಾಂಬೋಡಿಯಾದಿಂದ ವಿಮಾನದ ಮೂಲಕ ಬೆಂಗಳೂರಿಗೆ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ ಸುಮಾರು ₹12 ಲಕ್ಷ ಮೌಲ್ಯದ ನಕಲಿ ಸಿಗರೇಟ್‌ಗಳನ್ನು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಆ ಕುರಿತ ವರದಿ ಇಲ್ಲಿದೆ:
Fake cigarettes
ಕಾಂಬೋಡಿಯಾದಿಂದ ಬೆಂಗಳೂರಿಗೆ ಸಫ್ಲೈ ಆಗ್ತಿದ್ದ ₹12 ಲಕ್ಷ ಮೌಲ್ಯದ ನಕಲಿ ಸಿಗರೇಟ್ ವಶಕ್ಕೆ (ಸಾಂದರ್ಭಿಕ ಚಿತ್ರ)Online Desk
Updated on: 

ಬೆಂಗಳೂರು: ಭಾರತದ ಸಿಗರೇಟ್ ಮಾರುಕಟ್ಟೆಯಲ್ಲಿ ಜನಪ್ರಿಯ ಬ್ರ್ಯಾಂಡ್‌ಗಳ ಹೆಸರಿನಲ್ಲಿ ನಕಲಿ ಸಿಗರೇಟ್‌ಗಳ ಮಾರಾಟವು ಗಂಭೀರ ಸಮಸ್ಯೆಯಾಗಿ ಪರಿಣಮಿಸಿದೆ. ಅದರಲ್ಲೂ, ಪ್ರಮುಖ ಬ್ರ್ಯಾಂಡ್‌ಗಳ ಪ್ಯಾಕೇಜಿಂಗ್ ಅನ್ನೇ ಯಥಾವತ್ತಾಗಿ ನಕಲು ಮಾಡಿ ವಿದೇಶಗಳಿಂದ ಕಳ್ಳಸಾಗಣೆ ಮಾಡುತ್ತಿರುವ ಪ್ರಕರಣ ಹೆಚ್ಚಾಗಿದೆ. ಅದರಂತೆ, ಕಾಂಬೋಡಿಯಾದಿಂದ ವಿಮಾನದ ಮೂಲಕ ಬೆಂಗಳೂರಿಗೆ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ ಸುಮಾರು ₹12 ಲಕ್ಷ ಮೌಲ್ಯದ ನಕಲಿ ಸಿಗರೇಟ್‌ಗಳನ್ನು ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಆ ಕುರಿತ ವರದಿ ಇಲ್ಲಿದೆ:

ಕಾರ್ಯಾಚರಣೆ ನಡೆದಿದ್ದು ಹೇಗೆ?

ಕಾಂಬೋಡಿಯಾದಿಂದ ಬಂದ ವಿಮಾನದ ಮೂಲಕ ಹೈದರ್ ಎಂಬ ವ್ಯಕ್ತಿ ಸುಮಾರು 12 ಲಕ್ಷ ರೂಪಾಯಿ ಮೌಲ್ಯದ ಐದು ಕಾರ್ಟನ್ ಬಾಕ್ಸ್‌ಗಳಲ್ಲಿ ನಕಲಿ ಸಿಗರೇಟ್‌ಗಳನ್ನು ಬೆಂಗಳೂರಿಗೆ ತಂದಿದ್ದನು. ಐಟಿಸಿ ಕಂಪನಿಯ ಪ್ರತಿನಿಧಿ ನೀಡಿದ ಖಚಿತ ಮಾಹಿತಿಯ ಆಧಾರದ ಮೇಲೆ ನಡೆಸಿದ ಏರ್‌ಪೋರ್ಟ್ ಪೊಲೀಸರು, ವಿಮಾನ ನಿಲ್ದಾಣದ ಟರ್ಮಿನಲ್ 2 ರ ಪಾರ್ಕಿಂಗ್ ಪ್ರದೇಶದಲ್ಲಿ ಈ ಸರಕನ್ನು ಸಾಗಿಸಲು ಯತ್ನಿಸುತ್ತಿದ್ದಾಗ ದಾಳಿ ನಡೆಸಿ ವಶಕ್ಕೆ ಪಡೆದಿದ್ದಾರೆ.

ಅದರಲ್ಲೂ, ವಶಪಡಿಸಿಕೊಳ್ಳಲಾದ ಸಿಗರೇಟ್‌ಗಳು ಪ್ರಮುಖ ಕಂಪನಿಯಾದ ಗೋಲ್ಡ್ ಫ್ಲೇಕ್ ಬ್ರ್ಯಾಂಡ್‌ನ ಹೆಸರಿನಲ್ಲಿ ತಯಾರಿಸಲಾದ ನಕಲಿ ಉತ್ಪನ್ನಗಳಾಗಿವೆ ಎಂದು ತಿಳಿದುಬಂದಿದೆ. ಅದರಂತೆ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ನಡೆಯುತ್ತಿರುವ ಈ ನಕಲಿ ಸಿಗರೇಟ್ ಸಾಗಾಟ ಜಾಲದ ಹಿಂದೆ ಯಾರಿದ್ದಾರೆ ಮತ್ತು ಬೆಂಗಳೂರಿನಲ್ಲಿ ಇವುಗಳನ್ನು ಎಲ್ಲಿಗೆ ಸರಬರಾಜು ಮಾಡಲಾಗುತ್ತಿತ್ತು ಎಂಬುದರ ಕುರಿತು ಏರ್‌ಪೋರ್ಟ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.

Fake cigarettes
DR ಕಾಂಗೋದಲ್ಲಿ 95 ಕನ್ನಡಿಗರ ಬಂಧನ: ವೀಸಾ ವಂಚನೆಯಿಂದ 200ಕ್ಕೂ ಹೆಚ್ಚು ಹಕ್ಕಿಪಿಕ್ಕಿ ಸಮುದಾಯದ ಜನರಲ್ಲಿ ಆತಂಕ!

ಅತಿ ಕಡಿಮೆ ವೆಚ್ಚ, ಭಾರಿ ಲಾಭ

ಏತನ್ಮಧ್ಯೆ, ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಈ ಹಿಂದೆಯೂ ಇದೇ ಮಾದರಿಯ ದೊಡ್ಡ ಜಾಲಗಳನ್ನು ಭೇದಿಸಲಾಗಿತ್ತು. ಕಾಂಬೋಡಿಯಾ, ಮಲೇಷ್ಯಾ, ಸಿಂಗಾಪುರ ಮತ್ತು ಹಾಂಗ್ ಕಾಂಗ್‌ನಂತಹ ದೇಶಗಳಲ್ಲಿ ಈ ನಕಲಿ ಸಿಗರೇಟ್‌ಗಳನ್ನು ಅತ್ಯಂತ ಕಡಿಮೆ ಬೆಲೆಗೆ (ಒಂದು ಸಿಗರೇಟ್‌ಗೆ ಸುಮಾರು ₹2.50 ರಂತೆ) ತಯಾರಿಸಿ ಖರೀದಿಸಲಾಗುತ್ತದೆ. ಬಳಿಕ ವಿಮಾನ ಪ್ರಯಾಣಿಕರ ಲಗೇಜ್‌ಗಳ ಮೂಲಕ ಭಾರತಕ್ಕೆ ತಂದು, ಬೆಂಗಳೂರು, ಚೆನ್ನೈ ಮತ್ತು ತೆಲಂಗಾಣದ ಮಾರುಕಟ್ಟೆಗಳಲ್ಲಿ ಅಸಲಿ ಬ್ರ್ಯಾಂಡ್ ಹೆಸರಿನಲ್ಲಿ ₹16 ರಿಂದ ₹20 ರವರೆಗೆ ಮಾರಾಟ ಮಾಡಲಾಗುತ್ತದೆ. ಅದರಲ್ಲೂ, ಭಾರತದಲ್ಲಿ ತಂಬಾಕು ಉತ್ಪನ್ನಗಳ ಮೇಲೆ ಹೆಚ್ಚಿನ ಜಿಎಸ್‌ಟಿ (GST) ಮತ್ತು ಸೆಸ್ ಇರುವುದರಿಂದ, ಕಳ್ಳಸಾಗಣೆದಾರರು ತೆರಿಗೆ ವಂಚಿಸಿ ಭಾರಿ ಲಾಭ ಗಳಿಸಲು ಈ ಮಾರ್ಗ ಹಿಡಿದಿದ್ದಾರೆ. ಅಲ್ಲದೆ, ಈ ನಕಲಿ ಸಿಗರೇಟ್‌ಗಳಲ್ಲಿ ಕಳಪೆ ಗುಣಮಟ್ಟದ ತಂಬಾಕು ಮತ್ತು ರಾಸಾಯನಿಕಗಳನ್ನು ಬಳಸುವುದರಿಂದ ಸಾರ್ವಜನಿಕರ ಆರೋಗ್ಯಕ್ಕೂ ಗಂಭೀರ ಹಾನಿಯಾಗುತ್ತಿದೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X